我們的201314

回顧2013年，余媽媽作出了許多新嘗試,當中包括跟余小b參加了一些比賽。十分感謝大家對我們的支持，讓余家能在比賽中贏了不少實用的獎品回來，幫補了部分奶粉錢之餘亦給我們帶來了不少美好回憶。

在未來一年，余媽媽會繼續努力，希望大家日後可以繼續支持我們一家。

在此祝大家新年進步! 

願望成真!

開開心心!

(試用) Renew天然環保洗護系列, 係家居的好幫手

今次好開心有機會從MyBB安排的試用中認識到Renew各款天然環保嘅洗護用品，讓余媽媽日後買洗護用品時可以多一個選擇! 其實Renew係來自以色列的，係2012年正式打入香港市場。佢有不同系列嘅產品，包括BB抗菌洗衣粉、孕婦專用洗衣粉、內衣專用洗衣粉、家庭無泡洗衣粉、戶外服飾專用洗衣粉、海鮮蔬果清洗粉 、洗車粉、萬用清潔粉、假牙清潔粉、SPA浴鹽、沐足粉、寵物除味粉、蟑蟻零等。

Renew產品稱得上天然環保, 其一, 係因為佢採用天然原料生產，如檸檬酸粉、膨化粉、植物活性物等，最重要係產品中不添加螢光增白劑、氯殺菌劑、香精、磷、酶及石化等有害化學物質。其二, 產品可被生物降解，既能高效清潔、分解污垢、抑菌護膚，洗滌後的水可直接排放江河湖海和灌溉農作物，絕對唔會造成水質污染。RENEW環保洗護產品仲獲瑞士SGS十項安全測試，及香港環保認證, 所以余媽媽都好放心試用。 今次可以試用佢其中三種產品，分別係BB抗菌洗衣粉、萬用清潔粉和家庭無泡洗衣粉。

余小b近呢一兩個月已經流好多口水，仲成日咬衫同紗巾。因為已經到左口慾期，同埋就黎要出牙仔，所以咬野係正常嘅。正正因為bb成日咬野，所以余媽媽堅持用嬰兒專用嘅洗衣液洗bb衫同紗巾，因為有時真係好驚余小b會食左衣服或紗巾上殘留嘅洗衣粉，會對佢有影響。

用左Renew BB抗菌洗衣粉後，覺得同以前最唔同嘅地方係落少少就可以將d衫洗得乾乾淨淨。你地睇吓，洗完d水變到灰色咁。哈哈，唔通之前真係洗得唔乾淨?  加上，佢加入左最新防敏、抗菌、除蟎蟲配方, 天然溫和, 用佢洗完嘅衣物冇咩特別香味，個人認為好啱bb用。

而Renew嘅萬用清潔粉就幫到余媽媽好大忙喇!其實佢有好多用途，例如可以用來清潔食具、櫥櫃、油煙機、排氣扇、煤氣爐、冰箱、輪胎、車內座位、瓷磚、玻璃器皿、 膠地板、木地板、門窗戶扇、地毯、塑膠製品、浴室瓷具、皮鞋、運動鞋、皮革、沙發等。

余媽媽就最鍾意用佢黎洗奶粉格。奶粉格裝住余小b嘅主要食糧，每日都會用成5-6次，有時仲會攞出街用，所以如果只用清水洗吓用過嘅奶粉格，可能未必會好乾淨。當然，最好可以洗完之後steam吓佢啦，咁就可以完全消毒喇! 但市面上大部份奶粉格都未必可以用咁高溫來消毒，因為佢同奶樽嘅用料唔用，steam後有機會變形。所以今次有 Renew萬用清潔粉幫手，就可以確保去除奶粉格內99.9%的細菌, 仲可以抗敏、除菌、去異味、不傷皮膚。這樣, 余小b食得開心，余媽媽亦用得放心啦! 遲d等余小b可以進食固體食物時，我就會用佢黎清潔食具喇!

除此之外，余媽媽仲會用佢黎抹bb床嘅床欄，因為余小b好鍾意用手握住床欄，所以我地都要經常抹吓佢，以免余小b食左d細菌落肚。

最後要介紹嘅就係呢款Renew家庭無泡洗衣粉喇! 余媽媽覺得呢款產品用黎洗大人衫幾好，一來慳錢又環保(每公斤衣物只需放7-10g)，二來佢去漬力特強, 集抗敏、除菌、去甲醛、鎖色、柔順、抗靜電於一身。所以余媽媽會KEEP 住用。

最後，再次多謝MyBB同Renew安排今次嘅試用。

Company Website: http://www.renew-cleansing.com/

Company Facebook: https://www.facebook.com/renewhk

唔通已經踏入左厭奶期?

余小b而家四個幾月大啦!佢一向食奶都算正常，係有時掛住玩會食得慢d,
要分兩三次先餵完。

同余小b搏鬥完一輪，佢終於肯乖乖咁飲晒喇。

我冇晒力喇, 唯有乖乖飲奶 ^.^

但最近佢好多時一日會有一次係食得特別少，食剩成三分一，明明係喊話要，我地先開奶比佢食，真係麻煩惱喇，因為佢咁樣會搞亂個食奶timetable，而下一餐實會早左要食。

唔知佢咁算唔算係厭奶呢?

唔知無啦啦點解每日都有一餐係咁樣ge?

(試用) 神奇的體驗:澳健寶「至尊羊胎王」有效淡斑活膚

有睇開余媽媽個blog嘅朋友都知道我選護膚品會好小心，因為萬一唔啱自己用，仲要搽係塊面度，有事就手尾長喇。 余媽媽選護膚品時，主要會考慮三大因素: 產地, 成分和生產技術。

好開心今次被MYBB選中試用澳健寶「至尊羊胎王」，仲送埋一樽價值$245的澳健寶「純靈芝孢子」。

余媽媽今次咁有信心試用呢隻牌子，係因為佢完全符合我嘅要求。首先，佢來自澳洲, 而澳洲出名羊仔靚啊! 澳健寶選用澳洲最純淨優良的美麗諾羊群, 單計原材料佢已經贏晒。其次，佢採用納米技術生產，其精華液的微粒比其他同類產品更細小，所以比較容易吸收，呢樣好緊要，如果搽完好難吸收就搽多多都冇用。

澳健寶「至尊羊胎王」之功效:

有效淡化雀斑、黃褐斑、黑色素沉澱、老人斑、痘痘印及疤痕，增加皮膚彈性; 去黃淨白去印，收緊鬆弛，淡化幼紋。

好啦!而家就同大家分享吓余媽媽係試用澳健寶「至尊羊胎王」前後究竟有咩分別啦!

試用前: 可能是冬天的關係，余媽媽皮膚有點乾。雖然平時行過護膚品店時sales姐姐都冇咩對余媽媽作太多的批評，但係余媽媽都知道近睇自己d皮膚係有d小毛病的。例如有時唔夠瞓，面上就會黃和暗啞,自覺面部彈性已開始減少。另外，由於余媽媽面部皮膚比較薄，所以較為易發紅。加上十年前一次旅行比太陽曬傷左，自此就開始起雀斑，幸好只起係權骨同眼位附近，冇大覆擴散。

試用第一天:

余媽媽第一次搽完澳健寶「至尊羊胎王」液就覺得佢好易吸收，質地都好爽，佢係透明且水狀，唔會好油膩。而且佢冇咩香味，啱晒我嘅喜好(個人不太喜歡太濃烈的香味)。一於用佢黎搽埋頸，唔好慳。因為頸最容易暴露我地年齡嘅秘密!

由於今次試用嘅係100%超濃縮羊胎原液，所以只需早晚用一至兩滴搽係塊面度，再輕輕按摩至完全吸收就可以喇! 呢個過程係做緊導入，有助皮膚快d吸收。

不得不讚嘅係澳健寶係產品設計非常細心。使用澳健寶「至尊羊胎王」時需用手指按壓一下透明樽蓋才會有一滴羊胎精華液流出，這樣可避免太重手令過多精華液流出，造成浪費。咁一支羊胎精華液就至少可以用到十日或以上啦!

試用第七天:

神奇嘅事情出現了!余媽媽真係能夠體驗到呢支羊胎精華液嘅神奇功效。本來係余媽媽觀骨附近歷史悠久嘅斑斑竟然淡化左。面黃和發紅嘅情況有改善，而且塊面仲滑左，好似做左一次facial咁，充滿水份, 看來呢支羊胎精華液幾夾我! 如果有機會的話，余媽媽真係希望可以用上半年(一個療程)去體驗肌膚「零」瑕疵，讓年齡永遠成為我的秘密。

最後，余媽媽要再次感謝澳健寶和MYBB提供試用。

澳健寶簡介:

澳健寶健康產品有限公司是澳洲GMP大藥廠之天然健康食品系列及護膚品之獨家總代理。

澳健寶自2006年連續四年榮獲"屈臣氏"最暢銷健與美大獎, 產品質素備受肯定。全線產品均由澳洲及紐西蘭原裝進口及生產, 所有生產程序包括外盒印刷、製造、包裝及封瓶, 均乎合澳洲及紐西蘭GMP及TGA規格的廠房完成, 確保產品符合澳洲及紐西蘭政府規格及國際安全標準。

澳健寶「至尊羊胎王 」: 每盒3瓶，每瓶10毫升。零售價: $899 (屈臣氏獨家發售)

Company Website: http://www.opalhealth.hk/index.asp

Company Facebook: https://www.facebook.com/opalhealth

Let's Party!

早前余小b參加左The Sweetcorn搞嘅投選最Sweet bb比賽得到可愛睡姿bb大獎, 於是獲邀出席佢地上星期六嘅X'mas Party及頒獎禮。

The Sweetcorn係全港首間BB健康護理店, 主要提供BB按摩服務和舉辦不同嘅活動。

呢d係余小b嘅獎品呀，係三支來自加拿大的 Belly Buttons & Babies 天然有機bb產品，真合余媽媽心意。多謝The Sweetcorn嘅禮物和邀請。

今次係我地第一次同余小b參加聖誕party, 大家都既開心又興奮。 當日場面好熱鬧，余小b見到其他小朋友表現非常開心。

Party設有同聖誕老人合照時間，影幾多張相都得，大家可以盡情大影特影了。

而且呢個聖誕老人都幾專業，又識搞氣氛，仲即場扭波波送比小朋友tim。

雖然余小b暫時未知咩叫聖誕老人，但係佢見到紅色嘅野就已經好開心啦!

The Sweetcorn仲安排左candy corner比大家，相信小朋友一定食得好happy啦!

當日除左有野食，仲有野玩呀! 小朋友可以一齊整許願卡同聖誕帽，發揮佢地嘅創意。

仲可以參加由專業按摩師教授嘅15分鐘body massage班。 

嘻嘻，今次由余媽媽幫余小b做massage先! 睇吓佢幾歎!

玩完遊戲仲有禮物收, 太好啦!

今天的收穫真豐富啊!多謝The Sweetcorn讓我和余小b余爸爸過左一個難忘嘅下午。

余小b的學習歷程

呢本係余小b嘅第一本書呀!

雖然instruction寫6m+,不過我地打算早少少開始同佢一齊睇，有家長指引，應該冇問題嘅。

 

其實余小b的學習歷程早已展開! 由滿月開始我地已經比黑點卡佢睇。

余小b佢愈睇就愈有反應，愈睇愈開心，手舞足動,即係表示佢睇到又學到。So good!

遲d可以比佢睇埋黑白色圖案啦! 第日再比flash card佢睇吓先!

聽聞flash card同黑點卡係用來幫助大腦發展，開發左腦的，大家不防一試。

鬧市中的一片紅

早幾日經過呢度，抬頭望天，就見到呢個情景，好靚呀!竟然無意中比我見到紅葉...好開心呀!

 如果係鬧市中可以多d呢類型嘅綠化地帶就好啦!

希望余小b快點好番

余小b病左呀! 其實早幾日同大b哥佢地食完飯番黎開始有兩聲咳。

(其實大b哥本身都傷風，我地都係去到先知。今次真係比我講中左，中招了!

好大機會係比大b哥傳染左，真係慘喇。)

本來見余小b都係小小咳諗住唔洗睇醫生，但今日聽婆婆講，余小b中午起身後咳得密左好多，

仲有d鼻水同冇咩胃口呀!於是余媽媽唯有特登係趕番黎同佢睇醫生啦!

唉…醫生話囝囝太細個，唔適合食藥，食左反而唔好，

不過都開定比我地以防萬一。好彩冇發燒。

希望余小b快點好番，食番多d奶啦! 唔好再咁易比人傳染喇。

唔好要媽咪咁擔心。

各位大朋友小朋友，記得要注意身體呀!

久違了的好朋友

曾幾何時，這幾隻烏龜成為了家裡的新寵，佢地已經陪伴左我地兩個寒冬。

余爸爸和余媽媽對佢地寵愛有加，仲幫佢地改埋名tim。

細細仔, 好得意...

兩年間大隻左幾多...好食好住呀!

我地都好鐘意照燈ga...

有人，快d散水...

不過，自從有左余小b後，我們的視線已大大轉移了。

余媽媽: 「雖然我地唔可以好似以前咁用咁多時間照顧你地，但我地仍然都係當你地係一家人ga!
見到你地而家咁乖，咁明白事理，我同余爸爸都好安慰 ^^ 。」

~其實烏龜真係好有靈性ga!

休閒經濟之選

早幾日去左呢間餐廳食左個set lunch,嘆番杯桂圓紅棗茶，

味道清香，補血養顏，真係令人心曠神怡。

食物質素不錯，款式亦不少。仕應服務態度專業，與同區同質素餐廳比較，價錢都唔算貴，屬中價。

加埋個全海景，已經值回票價。超棒! 值得推介。

Pizza Express @ Harbour City

(試用) 韓國Baby Shining保濕護膚露@Babyprime 天然唔敏感，滋潤又乾爽

之前見到Babyprime品牌旗下嘅Baby Shining有試用裝可以申請，由於我有朋友嘅bb都用緊呢個品牌嘅產品，又見係由現為人母的藝員陳琪做代言人，於是都幾有興趣試用。

其實Babyprime歷史悠久，係韓國已經有超過二百間零售店。

呢間香港嘅代理真係好有效率呀，唔洗兩日就把三支試用裝(分別係保濕護膚露，爽身液，溫和沐浴及洗髮露)寄到我屋企。

大家都知余媽媽自己比較喜歡用成分天然嘅野，咁啱余小b佢最近皮膚又有d乾，於是我就急不及待開左支Baby Shining保濕護膚露黎試吓啦!

佢嘅成分都好天然，含茶花籽油，乳木果及維他命E, 唔會刺激皮膚，啱晒余媽媽嘅需要。

加上佢係韓國製造，所以余媽媽比較放心。

一試上手，質地唔會好黏或者好濕，而且只有淡淡的香味，好啱bb用。

薄薄地幫余小b搽係背脊，好快就吸收晒啦! 用後仲好乾爽tim!掂!

用左幾日，都夠潤呀! 余小b背脊明顯冇咁鞋,滑左好多呀! So good!

Babyprime 仲好照顧我們一班顧客，係試用裝內附一張買二百減一百元的coupon(咪即係半價囉!好掋呀)

雖然佢個試用申請剛剛完左，但公司而家做緊另一個promotion至12月尾:

只需$99就可以任選其中兩套Babyprime嘅original size產品, 原本兩樣野加埋都要百幾二百蚊ga，

而家真係平左好多呀! 余媽媽今次又盡顯敗家本色，訂左兩套番黎，哈哈!

希望我呢個介紹可以幫到大家啦! 大家如果有與趣可以去佢個FB fans page睇睇!

Company Facebook: https://www.facebook.com/BabyprimeHK

大食嘅大b哥

余小b嘅表哥，又名大b哥，而家八個幾月大。早兩日我地又一齊食飯啦!

大b哥除左生得大份之外，仲好大食ga. 佢果晚食完魚同飯仔，

飲左湯同埋奶，仲可以食到咁多萍果。

你地睇吓，個平果剩番層皮好可憐呀!

睇黎'大b哥'呢個名真係好襯佢呀!

它來自玩具反斗城

今日余小b又有禮物收啦! 余媽媽見余小b都識抓吓野同捉住d野，見反斗城Nattou呢個牌子仲有特價，

於是去睇吓有冇啱余小b嘅野。呢個牌子而家至2014年1月6日做緊買一送一優惠呀!

呢本mini book係咪好得意呢? 裏面有唔同嘅公仔圖案同質地可以比余小b睇同模，原價$119.9

你地睇吓余小b幾開心，佢一定係好鐘意呢件新玩具喇!

呢款仲有埋音樂同鏡tim，原價$99.9

由於呢個牌子而家至做緊買一送一優惠，我買左兩件，平均都唔洗$60一件，係咪好掋呢?

用埋星卡儲分同佢嘅十蚊coupon,total百一蚊有找。

仲有好多款式可以選擇，價錢分別由四十幾蚊到一百五十幾蚊不等，可以掛係bb床，bb車或當玩具玩。

有d細細地嘅可以扣係奶咀度。

大家有時間就去行吓啦，不過而家只係剩番尖沙咀海港城嘅反斗城同另外兩間Babies"R"Us 比較齊貨!如果你真係想買，

去之前最好打去問吓仲有冇貨先，廢事白行一趟啦!

提提大家，如果想申請星卡，最好係有promotion時先入會，例如搞fair嘅時候，

因為可以豁免最低入會消費金額，即係唔洗買野都入到會，仲有迎新禮物送tim。余媽媽都係果時入會ga.

Company Website: http://www.toysrus.com.hk/chi-index.html

&

http://www.babiesrus.com.hk/chi/Default.aspx

給余小B的禮物 - 奶粉& body wash

余媽媽剛收到利全送出嘅禮物

係一支Nature's Baby Body - Natural Gentle Body Wash (236ml) 同兩罐利全900g第一階段奶粉(0-12個月適用)! 

好開心呀! 全部野余小b都用得着，so good! 遲d比余小b佢試用先^^

多謝利全!

Company website: http://www.naturesbabyformula.com.hk/corporate_profile.html

Company Facebook: https://www.facebook.com/naturesbabyformula

bb出牙有妙法

BB大約六個月大開始會出第一隻牙仔，對父母來說，bb出牙仔係另一成長階段嘅開始，令人興奮。

但大多數bb出牙時都會有不適嘅情況，令父母非常擔心。今日余媽媽想同大家分享吓一個能暢快出牙嘅秘方，當然唔係用牙膠咁簡單啦!

唔知大家有冇聽過係bb滿一百日時用韮菜幫bb係口腔內全面地抹吓，會減低出牙時嘅不適呢?

話說余小b嘅表哥當年都有用呢個秘方，佢而家八個月大，已經出左五六仔牙仔啦，

出牙嘅時候都冇咩唔舒服，仲好精神tim!所以嫲嫲今次又用呢個秘方係余小b身上啦。

其實呢個秘方係d老人家傳落黎嘅，信不信由你。

方法好間單:預備少量韮菜(其實四條就夠，多左果d攞黎包餃子啦!)跟住把韮菜炒熟，待它冷卻。

把已熟嘅韮菜續條放入bb嘅口中從上下左右的方向擦擦。

記住要盡量將韮菜放入d,最好引bb張開d個口啦!

大家睇吓余小b'食'得幾開心! (其實佢啜緊d汁呀) Yummy!!!

齊賀余小b出生一百日

早幾日係余小b一百日的大日子，我地呢幾日都有不同嘅慶祝活動，

我地一家人真係玩得好開心呀!

呢d係屋企人為余小b準備嘅野。

為囝囝慶祝之餘，余媽媽又可以乘機食我喜愛的美心MX cheese cake了。

So delicious! So Wonderful!


祝余小b身體健康!快樂無憂!

非常期待余小b嘅半歲生日會呀!