澳門旅遊好介紹<終極篇>: 平。靚。正。道地美食攻略

今日是年三十晚，相信大家都好忙碌，余媽媽也不例外呢!但係無論有多忙，我都會用心去寫每一篇blog，跟大家分享生活點滴， 希望大家在馬年繼續支持我啊!

繼續我們的澳門行程。來到這個澳門之旅第二天的行程了! 那天除了食，都是食...其實澳門真的有很多平。靚。正。的道地美食唷! 這兩天似乎沒有我想像中那麼人山人海啊!

十二月廿六日那天，在利澳酒店享受過一頓豐富的自助早餐,中午退房後，我們一家又繼續我們的行程了!

第一站就是去吃遠近馳名的豆腐撈麪。榮記位於果欄街47號地下。以撈麪起家的雖然裝修較簡單，但是它的招牌牌-豆腐撈麪幾乎是每枱客人都指定要吃的。

看似沒什麼特別，但豆腐入口即溶，非常香滑，豆腐味也很濃郁! 而撈麪的麪底也非常彈牙，還有些甜味，口感不錯啊! 怪不得那麼多當地人來光顧呢!

我們還吃了它們另一美食-超滑豆腐花呢! 吃了第一口，真是入口即溶，很香黃豆味，由於我們沒有要求加入花奶，所以味道較清怡，僅售$5.5。下次會試試那個已加入花奶的，也只是$6/碗。

除了豆腐撈麪豆腐和花，這裡的水餃麪, 牛筋麪和鴨紅味道也不錯呢!

吃過榮記後，余媽媽突然很掛念另一間很同樣是非常美味的勁滑豆腐花-李康記(頣德行)。它位於新步頭街19號(在同善堂附近)。其實從榮記步行到這裡才不到十分鐘，很方便呢! 這間老店坐位不多，但經常滿座。 平日一到下午茶時份就會有不少人到此外賣十碗八碗豆腐花回去。 大家如果真的想試試這裡的出品，就一定要早一點來光顧了。一般在下午三點前供應充足，假期除外。

大概是吃開有感情吧! 我們光顧了此店已經有十年之久。 這裡的豆腐花有多美味? 見這裡經常是客似雲來就不必多說了! 香。滑。 是必然的! 余媽媽最喜歡吃這裡的熱豆腐花，每碗亦只是$6，非常掋食。別忘了叫店員加入花奶調味，這樣會更好吃唷! 喜歡吃帶甜的朋友可試試這家的出品啊!

總的來說，榮記和李康記的出品真是各自各精彩!

我們吃飽後，輪到余小b了! 於是我們便到了新八佰伴找個地方換片和餵奶。在澳門要找育嬰室真是有相當的難度。就連一些五星級酒店都未必設有換片設施。而新八佰伴五樓的玩具部設有一間小型育嬰室，可供bb換片。由於有幾位媽媽正在輪候，余媽媽等了良久，才能完成換片任務! 真的好不容易啊! 訪澳旅客愈來愈多，希望當局日後能夠在公眾場所多增一些餵嬰室以方便一眾媽媽們啊!

一場來到，我們在這裡逛了一會。還到了八樓的美食廣場吃了一頓下午茶呢! (其實主要是想找地方坐下來休息一下，因為實在太累了!)

開心的時間過得特別快，轉眼間已經到黃昏了。我們便起程到已預訂的飯店吃晚飯。

途經不同的景點，可以拍照留念啊!

看看澳門民政署內也洋溢了聖誕氣氛!

這裡大家認得出嗎? 這條福隆新街是無綫劇集巨輪經常取景之地。

終於到達我們澳門之旅的最後一站 - 煥記海鮮飯店。

此飯店也是余媽媽一家每的次訪澳必到之地。煥記是一間中菜館，我們很喜歡這裡的美食，美味之餘又很經濟。大家還可以在這裡品嚐一些香港吃不到的海鮮呢!(見下文)

這碟京都上肉排(上圖一)肉質鬆軟，但又不似用了鬆肉粉的,甜甜酸酸的，很開胃呢! 真的很想學到煮得這麼美味的餸菜呀! $60有這樣的份量也不算貴啊!

全日都沒有米飯落肚，所以我們就寫了個揚州炒飯(上圖二)，很足料呢! 只是$38

還有這個長期推廣: 客人可以任選一款特價菜(3選1)，最貴的都不過是$12,而且份量也不少呢! 最後我們選了這個花菇扒生菜(上圖三)，味道不錯啊! $12簡直是超值呢!

壓軸出場的就是這碟烏魚(上圖下方)了! 由於澳門是醎淡水交界，很適合治養烏魚，所以這裡的烏魚特別肥美。這種魚在香港不常見，曾見過元朗有得賣，但很細條。說實話，我們是為了這碟烏魚而來的, 雖然是時價(今次要十五元一両，大家沒聽錯，是一両啊! 記得對上一次還是十二元一両)，雖然價錢挺貴的，但都要吃啊! 我們買了十二両(共四條)，之後大廚用果皮青蒸，真的超鮮味，而且肉質很滑，很彈牙呢! 

果皮蒸烏魚，$180

兩日的澳門行程就說到這裡，光是澳門市場的行程已經這樣豐富，下一次等余小b大一點再到氹仔那邊。如想重溫，可以到看看<<澳門旅遊好介紹 (下): Day 1 遊記...食滋味實惠葡國菜，歎美景High tea>> 和<<澳門旅遊好介紹(上): 交通住宿攻略>>!

祝大家馬年行好運! 

不一樣的曲奇感覺

余媽媽不是曲奇迷，每次要吃都只是一塊起兩塊止。

很久之前已經知道澳門有一間造曲奇餅特別出色，但都沒有特別買來吃。

剛剛那次聖誕澳門之遊，因為受朋友所托，於是便順道買了一罐它的鎮店之寶 - 腰果曲奇餅來試試!

樂宮手信店位於澳門葡京酒店，雖然外表看似一家普通的小餅屋，但其實殊不簡單。

這裡的賣點是曲奇餅，無論是本地人還是遊客，都很喜歡到這裡光顧!

 這罐曲奇餅的包裝並不起眼, 但為何是「不一樣的曲奇感覺」呢? 

因為從前吃過的曲奇餅多是脆得來較乾身和硬身，但此店的出品是比較鬆化和重牛油香味，吃下去非常香滑。連余媽媽也忍不住連續吃了十塊之多!

這個是細罐裝(0.2KG)，售$45。 另備有中罐和大罐裝可供選擇

如果大家是曲奇迷，余媽媽真的很推介大家要買來試試呀! 

農曆新年快到了，余媽媽在此跟大家拜個早年! 祝大家一馬當先，鴻運當頭!

(試用) BamBini x Sense Organics 100%天然有機棉服飾 - 優質時尚又實惠

BB大得好快，動不動要花幾百蚊買件優質嘅bb衫 真係幾肉赤ga! 最近的毒童裝事件更證明了貴野唔一定係好! 平野貴野都可以出問題! 睇黎買有機棉製產品質素好似有保證d...

一向以為所有嘅有機棉品牌嘅bb衫一定會好貴， 原來都唔一定嘅! 今次好高興可以試用世界知名有機棉嬰兒服飾品牌Sense Organics 嘅產品，讓余媽媽明白到何謂百分百有機棉毛製造，更體會到有機棉衫原來都可以咁靚咁實惠嘅! 睇黎余媽媽第日買衫俾余小b時，可以多一份信心，少一個擔心喇!

當日余媽媽到位於佐敦嘅BamBini門市挑選試用的衣物。呢度真係好大呀! 仲有好多唔同品牌嘅產品出售，細至牙膠玩具，大至BB床等，應有盡有。

今次我可以選Sense Organics品牌的衣物作試用。睇左一陣，余媽媽決定選呢件黑白間條信封領長袖襯衫俾余小b，價值$138。

好開心今次公司仲送左兩支來自丹麥Derma Eco有機嬰兒潤膚霜俾我地，等我遲d試吓俾余小b用先。

好喇，黎到試用時間喇!

呢件衫質地真係超柔軟呀! 不愧為100%有機棉毛製造! 真係多得一群有機農夫係種植過程中唔使用任何化學或人工肥料和剎蟲劑，先可以有呢d有機原材料造衫呀!

有機棉衫同普通衫一樣，洗之前都係要睇衣物標籤件。今次試用呢件衫手洗或機洗均可。件衫洗完都冇咩甩色或者變形，唔錯唔錯!

再摸上手真係好滑身呀，又好有彈性，而且係防敏感嘅，所以好放心俾余小b著。

余媽媽好喜歡呢件衫嘅信封領設計，領口位可以撐大，好易著上身!

余小b穿上呢件新衫係咪特別酷呢?

其實Sense Organics一直提昌使用生態棉花生產已經接近二十年了，呢份堅持對於今時今日咁商業化嘅社會來說，確實難得。佢嘅產品包括帽仔、緊身衣、口水肩、睡袋及嬰兒成長服等。所有Sense Organics的產品符合全球有機紡織品標準(GOTS), 給用家多一份信心!

呢個GOTS標籤代表佢地在同一條生產線上唔會混合其他非有機嘅產品一齊生產。咁樣先可以保證做到真正100%有機棉生產!

雖然Sense Organics嘅產品係特別針對敏感皮膚bb嘅，好幸運余小b暫時冇咩皮膚問題，但係余小b而家咩都放入口，加上經過毒童裝事件後，余媽媽日後都會多d買呢個品牌嘅衫俾余小b著，因為總是覺得百分百有機棉毛製始終會更安全和可靠!

大家日後有興趣購買嬰兒天然有機棉服飾或產品，都可以到BamBini 門市或佢嘅網上商店選購呀!

最後，非常感謝MyBB和BamBini安排今次嘅試用。

Sense Organics 網址: http://www.sense-organics.com/

BamBini網址: http://www.bambinishop.com.hk

BamBini Facebook: https://www.facebook.com/bambinishop.hk

有關寶貝兒 (BamBini) 母嬰用品專門店

為一所一站式母嬰用品專門店，佔地2500呎，專營歐美日各國名牌母嬰及幼兒用品, 包括孕婦內衣及服裝、嬰幼兒有機全棉服裝配飾、有機防敏感沐浴護膚用品、汽車安全座椅、手推車、嬰兒床、哺育用品、家居安全及護理用品、嬰幼兒益智學習玩具等等，一應俱全。 所有品牌產品已獲歐美認可標準，媽媽寶寶可安心使用!

地址: 九龍佐敦白加士街26-32號盛華商業大廈1字樓全層 (佐敦港鐵站C2出口)

電話: 2730 0798

營業時間: 11:00am – 8:00pm

澳門旅遊好介紹 (下): Day 1 遊記...食滋味實惠葡國菜，歎美景High tea ...

終於有時間出我呢篇澳門遊記喇!睇完真係又想再去! 今次嘅旅行一如以往，以食為主，因為余媽媽真係好鐘意食野ga!

12月25日中午，我們一家係上環港澳碼頭出發，呢度真係人山人海呀! 假期係特別多人外遊嘅!

經過大約一小時嘅船程，我們終於掋達澳門了。 由於上船之前已經食飽飽，所以都係先搭免費穿梭巴士到利澳酒店check in左先(有關酒店的住宿情況，詳見<<澳門旅遊好介紹(上): 交通住宿攻略>>)，跟住就即係出發去澳門旅遊塔high tea喇!

旅遊塔位於澳門市區，係利澳酒店有巴士可直達旅遊塔門口。

首先，我們上去旅遊塔嘅360° 旋轉餐廳食個high tea set先。


360° 旋轉餐廳位於澳門旅遊塔的 60 樓，提供自助午餐、下午茶套餐和自助晚餐。

上到去都唔算多人，仲有d吉位, 環境舒適

大部分嘅坐位都可以飽覽澳門的美景，也可遠眺珠海風景。我們之前係中旅社訂嘅套票已包high tea餐劵，用餐時間係1530-1700，時間相當充裕。

好喇，睇吓有咩食先。 呢度嘅High tea set 都係分三層，分別有蛋糕，慕絲，中西甜品和水果，另外仲有一碟精緻的小食。High tea set 以甜點為主，啱晒喜歡食甜品嘅余媽媽:)

份量都足夠兩個人食，而且味道都唔錯，有80分。

大家仲可以自己到水吧攞野飲，係自助的，可選檸茶，檸水，咖啡，奶茶，紅茶，冷熱均可。雖然飲品款式冇咩特別，但勝在無限添飲。

大家如果見睇風景睇得悶, 可以看看窗外不時有人玩空中漫步，食住睇, 都幾有趣！

好喇，食飽飽要行吓先。因為距離我們去食葡國晚餐仲有d時間，所以有時間係旅遊塔參觀一下。

門票係之前買套票時已經包左，超掋! 每人又可以慳番百幾蚊。

出發!!! 觀光層共兩層，分別係58樓同61樓。記住要落番地下嘅觀光層入口搭lift上去呀!

上到黎, 四圍參觀吓先......雖然唔係第一次上黎，但係睇風景嘅野百看不厭，加上差唔多日落，真係幾浪漫ga!

我們的套票咁啱今次送埋免費使用佢地嘅望遠境三分鐘。個人認為唔太特別，有d似睇緊Google Map。所以如果要俾錢就唔會再玩喇!

喜歡刺激嘅朋友，可以考慮到61樓挑戰自己! 余媽媽就冇咁嘅膽量玩呢個笨豬跳同空中漫步喇! 都係睇人玩開心d!

最後, 我地落番去觀光層入口處閒逛。d公仔背景幾得意，係呢度影吓相都唔錯呀! 想買紀念品嘅朋友，可預留多些時間行吓。

****************************************************

離開旅遊塔後，我們就向葡國晚餐出發。

黎到富仕葡式美食，呢間餐廳平時有好多澳門人黎食，亦係余媽媽去澳門必到嘅飯堂。大家記住訂定枱呀, 唔係可能要等位!

餐廳分為地下和閣樓，雖然餐廳內大約只有十張枱，地方唔太大，又冇咩裝修，但大家可以係度食到各式各樣正宗嘅葡國美食，而且味道唔錯，價錢亦唔算貴呢(雖然比起十年前係加價唔少)!

余媽媽必食三寶: 芥抹燒羊鞍, 燒雞釀飯和焗青口

其實呢度嘅馬介休都幾好食，不過個胃裝唔落冇叫到。

講講芥抹羊鞍先，其實余媽媽都唔係幾食得辣ge,好彩佢唔算好辣啫，又香又軟又好味，焗嘅時間剛好!

至於燒雞釀飯個人覺得幾特別。外面係一層薄薄已去骨的燒雞，裏面包住甜甜酸酸嘅飯，好開胃, 好好味!

相比之前兩味餸，焗青口好似冇咩特別，但佢勝在有大量的蒜和煙肉碎一齊焗，味道好夾。

三樣野加埋三百幾蚊埋單，份量夠兩三個人食，當然要視乎大家大唔大食啦!

提提大家，佢餐牌嘅價錢未必係最update,所以落單前可以問吓價錢先。

*************************************

第一日嘅行程都差唔多了，要留力!

到第二日，我地食左好多特色美食呀，下次再為大家一一介紹。

記住留意我嘅澳門遊記終極篇喇!

余小b新look - 終於似番個bb喇!

農曆新年快到了，余小b都話想剪番個靚頭應吓節。對上一次都係由余媽媽我親自出馬幫余小b剪髮嘅，始終佢果時仲細個，易d控制，但係而家我就唔敢同佢剪了。

於是前幾日就帶左佢去大b哥剪開髮果間上海式理髮店剪髮喇!

余小b第一次俾人剪髮都有d驚青, 加上又見到生面口的ee,未剪就開始喊喇! 好彩喊左一陣就冇野，ee好快手用電剪好順利咁剪好喇!

余小b成日俾人話佢老積，今次剪完髮後終於可以變番bb樣喇!

而家嘅余小b係咪份外可愛呢?

冷知識:

我諗好多媽媽媽都聽過bb要不時剪吓髮令頭髮可以生得好d。

 咁究竟bb應該幾耐先剪一次髮呢?

其實專家建議bb可以每兩至三個月剪一剪，咁樣d頭髮之後會生得靚d和粗壯d ga。

好物推介: 余小b愛「食蕉」

余小b呢兩個月成日都流口水，又好鐘意咩都放入口咬一餐，睇黎佢快要出牙仔喇!

之前比過幾款環形牙膠余小b咬，可能佢仲細個啦，未完全可以掌握到點放入口咬，有時咬唔到佢都會發吓脾氣ga >.<

最近余媽媽網購左一款韓國牌子Ange香蕉型固牙齒器(3m+), 我當牙膠俾余小b玩。

佢除左外型得意之外，仲比起傳統的環形設計更易控制和掌握,  更能紓緩因出牙引起的牙肉不適。

加上牙膠前端的凹凸設計，可以幫助按摩牙肉及清潔舌頭。

但最緊要都係佢嘅質素有保證，產品不含有毒物質，安全可靠， 放落口嘅野真係要好小心啊!

大家睇吓余小b玩得幾開心! 睇黎余媽媽今次買啱左野喇!

其實Ange係韓國內銷的牌子名，係香港發售時代理就將佢納入haram®品牌出售。

這隻蕉蕉香港代理haram®賣緊HK$58/隻, 不過我係其他的bb用品網網購Ange的只需HK$35, 都係正貨，超掋呀!

所以第日如果大家見到Ange呢個牌子，就知道佢即係香港的haram®喇! 由於唔係咁多人識Ange, 佢分分鐘會賣得平d ga! 另一原因可能因為有機會係水貨啦!

Anyway, 希望大家都可以一齊執到又平又靚嘅野啦! 

如需要更多資料，歡迎留言或直接電郵給我啊!

來自韓國Soondoongi 的禮物，超實用呢!

昨天回家後，看見一箱大大的包裹，原來是韓國著名天然嬰兒濕紙巾品牌順順兒(Soondoongi)送來的試用gift box。

今次我們一家可以試用這麼實用的東西，真係非常開心。十分感謝順順兒的安排啊!

不得不讚的是順順兒真的非常細心，為余媽媽準備了他們不同款式和大小的濕紙巾。大包裝的可以留在家用，而出街就拎細包裝的比較方便。

現在，余小b無論在家裡還是去街街都能24小時全天候得到順順兒的呵護喇!

好了，等余媽媽稍後逐一試用再跟大家分享一下吧!

Soondoongi 網址: http://www.soondoongi.com.hk

Soondoongi Facebook Fan Page: https://www.facebook.com/Soondoongi