有關余媽媽:
~資深教育工作者為屋企打拼的在職媽媽Blogger

余媽媽的分享:
~愛四圍遊,四圍食,四圍玩
~愛分享: 親子育兒資訊、母嬰用品攻略、 有營食譜、美容護膚心得、美食及旅遊平。靚。正推介!!!

有關產品試用/出席活動/意見,歡迎與余媽媽聯絡:qsmartland@gmail.com

2022年7月30日 星期六

兒童近視管理好重要

呢兩年經常 Zoom 住上堂,加上余小 b 又會打吓機,正值發育階段嘅佢,係近視加深高峰期~ 最近我仲發現佢用電腦時,屏幕同眼睛距離近左,睇嘢更會瞇眼,媽我好擔心佢近視加深左呀!所以我地專登帶左佢去驗眼,同埋都想知道有咩眼科產品可以有效減緩兒童近視加深,同時矯正視力~

雖然近視係香港十分普遍,但原來長遠而言,近視會影響小朋友嘅眼睛健康及視力,更會增加患上近視性黃斑病變及視網膜脫落嘅風險,造成無法逆轉的視力受損,加上我同余爸爸都有近視,小朋友患上近視嘅機率較高,就更加關注


當日視光師幫余小 b 進行詳細視力檢查,睇吓有冇遠視、近視、弱視、散光、色盲同色弱等問題,同埋進行立體視覺及斜視評估,以及眼底影像拍攝等,整個檢查大約 45 分鐘就完成了~