有關余媽媽:
~資深教育工作者為屋企打拼的在職媽媽Blogger

余媽媽的分享:
~愛四圍遊,四圍食,四圍玩
~愛分享: 親子育兒資訊、母嬰用品攻略、 有營食譜、美容護膚心得、美食及旅遊平。靚。正推介!!!

有關產品試用/出席活動/意見,歡迎與余媽媽聯絡:qsmartland@gmail.com

2015年9月4日 星期五

☆幼稚園模擬面試班@Praise Education【附:N班和K1面試有用資訊】

話咁快就到左9月了!
身邊好多媽媽最近都開始填幼稚園申請表了~

雖然政府講過幼稚園(K1)人人有書讀
但心目中始終會有d心儀嘅學校
身為細b嘅余小b如果唔好好裝備下
試問點同人爭呢?

所以, 早排余媽媽就同余小b
Praise Education (大圍分校)
上左堂幼稚園模擬面試班喇!

慶幸自己在過去一年曾參加過幾場 N班面試
知道原來而家面試形式真係五花百門, 仲可以去到好盡~

當中最令余媽媽難忘的一次
就係要我即場用指定圖書講故事俾余小b~(O
完全冇準備時間, 老師會在旁邊觀察
咩而家in N班都咁難㗎?已經無揀名校。。。
K1面試又會有咩花款呢?一齊睇睇!


今次我地獲邀試堂嘅教室係位於大圍田心村
Praise Education, 佢地一共有5間分校
遍佈旺角大圍、觀塘荃灣和黃埔~


從港鐵大圍站步行約十分鐘就到達
田心村Praise Education!
大圍田心村裡面村屋林立
當中不乏補習社和畫室,  學習風氣甚濃~

余媽媽和余小b到達後係門外脫下鞋子便入內上堂了~

當日的模擬面試班是1-1進行
主要針對嚟梗嘅K1面試, 余媽媽就從旁觀察~

而家嘅幼稚園面試多數以小組形式進行
N班和K1面試要注意的地方大有不同:

N班的要求相對簡單, 老師比較著重小朋友的
禮儀和聽指令嘅能力。
同時, 由於小朋友未懂表達太多
所以有機會向家長發問~

相反, K1面試則多考小朋友的認知能力
(例如: 顏色、形狀字母和數字)~
有時候甚至會要求小朋友獨自進入考室進行面試。

當然, K1面試亦要注意禮儀
小朋友一入到課室要叫老師
自己拉椅仔坐, 要用雙手接物件和說「謝謝」
離開前要跟老師講「再見」

d其實係好基本嘅要求
對準備應考K1的小朋友來說應該不成問題~

不過, 余媽媽都聽過部份學校有設
相同標準去考核申請N班的小朋友
咁就有些少難度唷! 尤其是細b
唯有盡力而為啦!


講番我地模擬面試當日嘅情況先。。。
老師開始時先用車仔同余小b warm up~ 
由於車車係余小b至愛
所以佢好快就唔怕陌生環境喇~

接著, 老師問左余小b一些簡單問題, 例如:
1) 你叫咩名呀?
2) 你幾多歲?
3) 今日邊個帶你嚟㗎?


再者, 老師就拎出唔同嘅玩具考余小b
每款玩具原來都可以考到小朋友好多野㗎!


第一個task係考形狀板
除左可以問吓係咩圖形
仲可以考砌形狀和顏色~
顏色呢part係余小b嘅弱項
老師話到2歲左右小朋友會掌握得好d, 
但願如此~

第二個task係考余小b用匙羹把珠仔落去另一容器內~


呢個task主要睇小朋友平時有冇自行進食嘅習慣
所以今次難唔到余小b~ 
不過, 要完成晒整個task都要花一些時間
亦係同時測試小朋友嘅耐性~

老師仲用珠仔考余小b數目1~5, 
中英文都考添, 睇嚟余媽媽要再幫佢惡補下喇!

最後, 老師用英文考余小b五官
好彩我地之前教過佢, 所以呢part pass!

模擬面試後, 老師同我地傾番要注意嘅地方~


當時的余小b只得23個月大
所以有部分task的確做得麻麻地
不過慶幸老師俾余小b整體comment都唔錯
例如: 咬字和發音唔錯, 耐性都過得去
亦懂得聽從老師指令~

至於係英文數字和顏色方面
余小b就要繼續加油喇~
多謝老師咁有心機和耐性同余小b進行模擬面試
老師嘅意見的確對我地好有幫助^0^ 
亦令余媽媽對余小b的了解加深了不少~
知己知彼,百戰百勝!
大家都一齊加大油啊~

除面試班外, Praise Education都有提供
幼兒Playgroup和學前班等
有興趣可以瀏覽
Praise Education   Facebook:

題外話, 如果你的小朋友準備係2016-17入讀K1的話
而家可以申請定學券喇
申請表可以到以下網址下載~

 相關文章:


 以下是余媽媽余小bのFacebook啊~


My Blog Links:
有關產品試用/活動邀請,歡迎與余媽媽聯絡
Email: qsmartland@gmail.com
Facebook Fan Page: 余媽媽手記


沒有留言:

張貼留言