【話你知點訂最抵】澳門性價比高tea buffet●五歲以下免費●4小時任飲任食@大倉酒店【奈和美】

 我地快閃澳門兩日一夜都係食字行先

(一屋都係吃貨冇辦法)! 

今次試左呢間五星級酒店high tea, 任飲任食, 

食足4小時, 五歲以下免費, 

成人都只係百幾蚊1位, 好抵食, 

食物仲好精緻美味, 性價比高!

澳門遊X南灣湖水上單車X平靚正假日好去處

嚟到澳門可以透透氣鬆一鬆, 今次行程好輕鬆~

呢日余媽媽一家到左<南灣湖>踏水上單車, 

其實余小b想嚟玩好耐, 可惜上年嗰次未夠稱

所以唔玩得住 (要5歲以上啊！) 今次終於得償所願, 

未出發先興奮! Yeah!

我地首先到售票處買票, 

2人天鵝船MOP$20/半小時, 

4人小黃船MOP$40/半小時, 都係非常抵玩, 

大家記得要準備定葡幣呀!

我地坐嘅係4人小黃船, 

到了小碼頭穿好救生衣就可以依職員指示登船喇! 

也提提各位小朋友要注意水上安全~

澳門親子遊之@真人互動主題王國Planet J大冒險

澳門親子遊, 炎炎夏日, 

一家大細想舒舒服服家庭樂, 

又有得大玩特玩,

或者Planet J 冒險王國係個不錯選擇!

單看門外嘅佈置已經十分吸引! 

快啲入去玩啦! 

有超過200款精彩互動遊戲等緊我地呀!

位於金沙城中心嘅Planet J, 

係全球首個真人互動主題王國~ 

呢度真係又大又靚呀！

♡澳門親子好去處逐個捉♡

早前有幸獲邀出席Experience Macao Media Luncheon~ 

感謝澳門旅遊局為我地準備左精緻的午餐, 

讓我地可以一邊品嚐美食和交流旅行樂事, 

一邊看看澳門近年在旅遊業方面的新發展! 

其實余媽媽都幾鍾意澳門呢個地方! 

一來近近地, 船程只需1個小時, 交通方便; 

二來呢度又多美食和新景點, 吃喝玩樂都一絕, 

所以我地一家每年都會過去一、兩次放吓電^^ 

澳門搵食之旅《平。靚。正の正餐篇》

假如而家你係澳門用淨百幾蚊, 

但係又想同一家四口食餐好少少嘅晚飯, 

可以有咩選擇呢？其實確實係有啲難度, 

不過並非無可能呢！

等余媽媽同大家分享我嘅搵食攻略啦～

澳門食葡國菜價格相對會比其他菜式稍高, 

所以如果想大件夾抵食, 平。靚。正嗰隻呢，

可以去以下介紹呢間煥記海鮮飯店食中菜喇!

此飯店位於澳門福隆新巷1~3號, 

有冷氣、有茶供應, 地方絕對唔失禮! 

怪不得就連藝人蘇施黃咁嘴饞都曾對此店讚不絕口啦~

澳門搵食之旅《甜品篇》@勁滑豆腐花

暑假實在太快完結了！真係十萬個唔捨得!

見余小b開學初期唔算太忙, 

心血來潮來個親子澳門之旅! 

其實我們嚟過澳門不下數十次, 

澳門最吸引我們的地方, 除了交通方便外, 

就是這裡的美食了！

今次等余媽媽先跟大家分享一間

豆腐花專門店吧！

其實2年前我都係Blog介紹過(按此重溫), 

2年後呢間老店究竟變成點? 一齊嚟睇睇啦～

豆腐有益健康, 可以養生和美顏！

可惜余媽媽廚藝不精, 

無本事整到又滑又好味嘅豆腐花, 

所以今次嚟到澳門當然要探探呢間

老店李康記(頣德行)啦～

老店位於新步頭街19號(在同善堂附近)

轉入小巷就能看見老店招牌了！

余小b再戰澳門 (二) 特色美食篇

以為6月會較清閒，倒不是啊! 

現在才有時間出番之前復活節的澳門食記...

今次是余小b第二次遊澳門了!

我們想到平時較少到的食店吃些有特色的食物，

於是一到埗便去了這間意大利餐廳了 -  

比薩咖啡屋 Caffe Toscana。

地址: 新馬路板樟堂巷11號地下B舖

星期一至日: 12:00-21:00; 逢星期二: 休息

余小b復活節再戰澳門 (一) 掋住酒店篇

 復活節假期，余媽媽豈能錯過與余小b四圍遊的大好機會呢? 


一向喜歡旅遊的余媽媽，繼去年聖誕後，又一次跟余小b遊澳門了。始終余小b年紀還小，澳門兩日一夜的短途旅行對我們來說的確是個不錯的選擇。

復活節假期，因為臨時先決定去玩，只是十日前才預訂，所以酒店價錢會貴一些。今次格價後，發現在中旅社訂酒店連船票套票會較划算。利澳酒店套票每套只是$1839，包兩位自助早餐及雙人來回船票，於是便決定在中旅社訂購。

利澳酒店正門

今次再次入住利澳酒店，跟上次不同的是今次復活節檔期房間很滿，所以我們只能入住標準客房，不能像上次那的免費升級到高級客房了! <按這裡回顧上次入住高級房的情況>

澳門旅遊好介紹<終極篇>: 平。靚。正。道地美食攻略

今日是年三十晚，相信大家都好忙碌，余媽媽也不例外呢!但係無論有多忙，我都會用心去寫每一篇blog，跟大家分享生活點滴， 希望大家在馬年繼續支持我啊!

繼續我們的澳門行程。來到這個澳門之旅第二天的行程了! 那天除了食，都是食...其實澳門真的有很多平。靚。正。的道地美食唷! 這兩天似乎沒有我想像中那麼人山人海啊!

十二月廿六日那天，在利澳酒店享受過一頓豐富的自助早餐,中午退房後，我們一家又繼續我們的行程了!

第一站就是去吃遠近馳名的豆腐撈麪。榮記位於果欄街47號地下。以撈麪起家的雖然裝修較簡單，但是它的招牌牌-豆腐撈麪幾乎是每枱客人都指定要吃的。

看似沒什麼特別，但豆腐入口即溶，非常香滑，豆腐味也很濃郁! 而撈麪的麪底也非常彈牙，還有些甜味，口感不錯啊! 怪不得那麼多當地人來光顧呢!

我們還吃了它們另一美食-超滑豆腐花呢! 吃了第一口，真是入口即溶，很香黃豆味，由於我們沒有要求加入花奶，所以味道較清怡，僅售$5.5。下次會試試那個已加入花奶的，也只是$6/碗。

除了豆腐撈麪豆腐和花，這裡的水餃麪, 牛筋麪和鴨紅味道也不錯呢!

吃過榮記後，余媽媽突然很掛念另一間很同樣是非常美味的勁滑豆腐花-李康記(頣德行)。它位於新步頭街19號(在同善堂附近)。其實從榮記步行到這裡才不到十分鐘，很方便呢! 這間老店坐位不多，但經常滿座。 平日一到下午茶時份就會有不少人到此外賣十碗八碗豆腐花回去。 大家如果真的想試試這裡的出品，就一定要早一點來光顧了。一般在下午三點前供應充足，假期除外。

大概是吃開有感情吧! 我們光顧了此店已經有十年之久。 這裡的豆腐花有多美味? 見這裡經常是客似雲來就不必多說了! 香。滑。 是必然的! 余媽媽最喜歡吃這裡的熱豆腐花，每碗亦只是$6，非常掋食。別忘了叫店員加入花奶調味，這樣會更好吃唷! 喜歡吃帶甜的朋友可試試這家的出品啊!

總的來說，榮記和李康記的出品真是各自各精彩!

我們吃飽後，輪到余小b了! 於是我們便到了新八佰伴找個地方換片和餵奶。在澳門要找育嬰室真是有相當的難度。就連一些五星級酒店都未必設有換片設施。而新八佰伴五樓的玩具部設有一間小型育嬰室，可供bb換片。由於有幾位媽媽正在輪候，余媽媽等了良久，才能完成換片任務! 真的好不容易啊! 訪澳旅客愈來愈多，希望當局日後能夠在公眾場所多增一些餵嬰室以方便一眾媽媽們啊!

一場來到，我們在這裡逛了一會。還到了八樓的美食廣場吃了一頓下午茶呢! (其實主要是想找地方坐下來休息一下，因為實在太累了!)

開心的時間過得特別快，轉眼間已經到黃昏了。我們便起程到已預訂的飯店吃晚飯。

途經不同的景點，可以拍照留念啊!

看看澳門民政署內也洋溢了聖誕氣氛!

這裡大家認得出嗎? 這條福隆新街是無綫劇集巨輪經常取景之地。

終於到達我們澳門之旅的最後一站 - 煥記海鮮飯店。

此飯店也是余媽媽一家每的次訪澳必到之地。煥記是一間中菜館，我們很喜歡這裡的美食，美味之餘又很經濟。大家還可以在這裡品嚐一些香港吃不到的海鮮呢!(見下文)

這碟京都上肉排(上圖一)肉質鬆軟，但又不似用了鬆肉粉的,甜甜酸酸的，很開胃呢! 真的很想學到煮得這麼美味的餸菜呀! $60有這樣的份量也不算貴啊!

全日都沒有米飯落肚，所以我們就寫了個揚州炒飯(上圖二)，很足料呢! 只是$38

還有這個長期推廣: 客人可以任選一款特價菜(3選1)，最貴的都不過是$12,而且份量也不少呢! 最後我們選了這個花菇扒生菜(上圖三)，味道不錯啊! $12簡直是超值呢!

壓軸出場的就是這碟烏魚(上圖下方)了! 由於澳門是醎淡水交界，很適合治養烏魚，所以這裡的烏魚特別肥美。這種魚在香港不常見，曾見過元朗有得賣，但很細條。說實話，我們是為了這碟烏魚而來的, 雖然是時價(今次要十五元一両，大家沒聽錯，是一両啊! 記得對上一次還是十二元一両)，雖然價錢挺貴的，但都要吃啊! 我們買了十二両(共四條)，之後大廚用果皮青蒸，真的超鮮味，而且肉質很滑，很彈牙呢! 

果皮蒸烏魚，$180

兩日的澳門行程就說到這裡，光是澳門市場的行程已經這樣豐富，下一次等余小b大一點再到氹仔那邊。如想重溫，可以到看看<<澳門旅遊好介紹 (下): Day 1 遊記...食滋味實惠葡國菜，歎美景High tea>> 和<<澳門旅遊好介紹(上): 交通住宿攻略>>!

祝大家馬年行好運! 

澳門旅遊好介紹 (下): Day 1 遊記...食滋味實惠葡國菜，歎美景High tea ...

終於有時間出我呢篇澳門遊記喇!睇完真係又想再去! 今次嘅旅行一如以往，以食為主，因為余媽媽真係好鐘意食野ga!

12月25日中午，我們一家係上環港澳碼頭出發，呢度真係人山人海呀! 假期係特別多人外遊嘅!

經過大約一小時嘅船程，我們終於掋達澳門了。 由於上船之前已經食飽飽，所以都係先搭免費穿梭巴士到利澳酒店check in左先(有關酒店的住宿情況，詳見<<澳門旅遊好介紹(上): 交通住宿攻略>>)，跟住就即係出發去澳門旅遊塔high tea喇!

旅遊塔位於澳門市區，係利澳酒店有巴士可直達旅遊塔門口。

首先，我們上去旅遊塔嘅360° 旋轉餐廳食個high tea set先。


360° 旋轉餐廳位於澳門旅遊塔的 60 樓，提供自助午餐、下午茶套餐和自助晚餐。

上到去都唔算多人，仲有d吉位, 環境舒適

大部分嘅坐位都可以飽覽澳門的美景，也可遠眺珠海風景。我們之前係中旅社訂嘅套票已包high tea餐劵，用餐時間係1530-1700，時間相當充裕。

好喇，睇吓有咩食先。 呢度嘅High tea set 都係分三層，分別有蛋糕，慕絲，中西甜品和水果，另外仲有一碟精緻的小食。High tea set 以甜點為主，啱晒喜歡食甜品嘅余媽媽:)

份量都足夠兩個人食，而且味道都唔錯，有80分。

大家仲可以自己到水吧攞野飲，係自助的，可選檸茶，檸水，咖啡，奶茶，紅茶，冷熱均可。雖然飲品款式冇咩特別，但勝在無限添飲。

大家如果見睇風景睇得悶, 可以看看窗外不時有人玩空中漫步，食住睇, 都幾有趣！

好喇，食飽飽要行吓先。因為距離我們去食葡國晚餐仲有d時間，所以有時間係旅遊塔參觀一下。

門票係之前買套票時已經包左，超掋! 每人又可以慳番百幾蚊。

出發!!! 觀光層共兩層，分別係58樓同61樓。記住要落番地下嘅觀光層入口搭lift上去呀!

上到黎, 四圍參觀吓先......雖然唔係第一次上黎，但係睇風景嘅野百看不厭，加上差唔多日落，真係幾浪漫ga!

我們的套票咁啱今次送埋免費使用佢地嘅望遠境三分鐘。個人認為唔太特別，有d似睇緊Google Map。所以如果要俾錢就唔會再玩喇!

喜歡刺激嘅朋友，可以考慮到61樓挑戰自己! 余媽媽就冇咁嘅膽量玩呢個笨豬跳同空中漫步喇! 都係睇人玩開心d!

最後, 我地落番去觀光層入口處閒逛。d公仔背景幾得意，係呢度影吓相都唔錯呀! 想買紀念品嘅朋友，可預留多些時間行吓。

****************************************************

離開旅遊塔後，我們就向葡國晚餐出發。

黎到富仕葡式美食，呢間餐廳平時有好多澳門人黎食，亦係余媽媽去澳門必到嘅飯堂。大家記住訂定枱呀, 唔係可能要等位!

餐廳分為地下和閣樓，雖然餐廳內大約只有十張枱，地方唔太大，又冇咩裝修，但大家可以係度食到各式各樣正宗嘅葡國美食，而且味道唔錯，價錢亦唔算貴呢(雖然比起十年前係加價唔少)!

余媽媽必食三寶: 芥抹燒羊鞍, 燒雞釀飯和焗青口

其實呢度嘅馬介休都幾好食，不過個胃裝唔落冇叫到。

講講芥抹羊鞍先，其實余媽媽都唔係幾食得辣ge,好彩佢唔算好辣啫，又香又軟又好味，焗嘅時間剛好!

至於燒雞釀飯個人覺得幾特別。外面係一層薄薄已去骨的燒雞，裏面包住甜甜酸酸嘅飯，好開胃, 好好味!

相比之前兩味餸，焗青口好似冇咩特別，但佢勝在有大量的蒜和煙肉碎一齊焗，味道好夾。

三樣野加埋三百幾蚊埋單，份量夠兩三個人食，當然要視乎大家大唔大食啦!

提提大家，佢餐牌嘅價錢未必係最update,所以落單前可以問吓價錢先。

*************************************

第一日嘅行程都差唔多了，要留力!

到第二日，我地食左好多特色美食呀，下次再為大家一一介紹。

記住留意我嘅澳門遊記終極篇喇!

澳門旅遊好介紹(上): 交通住宿攻略

月尾就係農曆新年了，大家除左去拜年外，會不會外遊呢?可能澳門近近地會係大家嘅選擇。尤其是如果你的bb仲細，唔去得太遠，去澳門玩兩日一夜的確唔錯。

其實余媽媽每年都會去澳門幾次, 澳門勝在近得黎又可以離開香港鬆吓，隨時起程都可以，唔洗plan定。余媽媽過澳門都係以食和玩為主，至於賭場就冇咩興趣喇!有時我們仲會順道過埋珠海玩添。上年生完余小b後都忍不住去左兩次澳門, 哈哈! 其中一次仲帶埋余小b去添。辛苦得黎好開心!

現在同大家分享吓點樣可以平遊澳門得黎又可以住得唔錯啦!

係酒店方面，地點方便和有免費bb床供應嘅酒店係余媽媽的首選。自己絕對唔會特登花錢去住得好豪，因為只係住一晚半晚啫。一般來說，澳門好多四至五星級嘅酒店都乎合以上條件。 

我喜歡上網格價後再訂。剛剛那次係永安網上自助酒店預訂的網站訂左聖誕假期入住利澳酒店，港幣一千元已經可以訂到一間標準雙人房了，仲包埋二人早餐和房內免費 wifi，以聖誕假期來說係非常掋住。以下的推介大家可以參考一下。

大家如果想入住有免費bb床的酒店，可選在澳門市區的皇都酒店(4.5星)和利澳酒店(4星)。呢兩間酒店會較少內地團入住。余媽媽上年住過都唔錯。前者雖然客房不大，但步行到新馬路只需十五分鐘，大家亦可搭巴士出去。

皇都酒店實景

而後者的確有驚喜(客房夠大), 佢地嘅西式早餐款式多，味道也不錯呢! 酒店出面有巴士站和的士站，搭車四圍去都好方便。余媽媽一家今次好好彩可以免費升級入住他們的高級客房！真開心！

利澳酒店高級客房

看來余小B很喜歡這裡的BB床啊!

利澳酒店正門很易找

利澳酒店LOBBY裝修瑰麗, 餐廳環境不錯

如果想住氹仔，可考慮麗景灣酒店(4星)，雖然較多內地人入住，但勝在有免費bb床，加上酒店內有園林美境，大家可以臨check out 前行一轉影吓相。

提提大家, 如需要bb床，訂酒店之前最好自己電郵去問吓酒店先，因為呢方面旅行社都未必會咁清楚。

余媽媽計過那次酒店同船票分開訂比起在旅行社一次過訂套票套票更掋。如果大家唔係旺季出發，可以考慮買酒店連船票的套票會比較划算。

剛剛聖誕那次，余媽媽係永安網上預訂酒店後，就去左中旅社買定d船票。我最近較喜歡買船票連buffet或high tea的組合(遲些在美食攻略再跟大家分享)，因為同余小b一齊去，行得耐有個地方坐吓休息吓，換吓片片和餵吓奶會舒服d。究竟邊間buffet掋食? 余媽媽近排食過金沙888自助晚餐和旅遊塔high tea。 如果你喜歡食海鮮的話，前者都算ok，當係平平地過吓口癮, 因為自助晚餐只係二百幾蚊位，食足兩小時，仲可以要求d咩呢? 

而旅遊塔high tea雖然唔係食自助餐，但食物質素也不錯，淨係買個海景已超值。

這裡可以看到全海景



我們當時的套票仲包埋參觀58樓和61樓，連百幾蚊門票都慳埋，好掋呀!

當時聖誕假期船票和high tea 每套只售$428

旅遊塔high tea Menu

澳門美食多，余媽媽下次會主力介紹當地人常去的食店。我覺得主力做當地人生意嘅食店先稱得上真正好食。想知多d, 請留意余媽媽個blog喇!

最後提提準備係農曆新年假期過澳門玩嘅朋友，而家要book定酒店同船票了。遲左訂除了會加價外，仲好大機會冇位呀!

永安網上酒店預訂: http://hotels.wingontravel.com/macau59