<親子廚房>零失敗。香蔥肉鬆卷

抗疫期間余媽媽都盡量少出街, 加上停課已經悶到一個點, 

所以呢排多左機會同余小b一齊整野食, 乘機親子一下, 

消磨時間~

同大家分享我的<零失敗。香蔥肉鬆卷>食譜吧！

<自家製香蔥肉鬆卷>

材料好簡單, 可以做到8-10個

<麪糰材料>

中筋麵粉    200g

常溫水        100g

植物油        8g (我用了花生油)

砂糖            15g

快速酵母     2g

<餡料後加, 份量隨意>

蔥                1小棵

肉鬆            1小碗

<搓麵團>

可以人手搓或交給麪包機做, 省時省力~

1. 我就把以上的麪糰材料放入麪包機內, 用<鳥冬麪糰>模式搓15分鐘, 然後再醒麪5分鐘就可以直接取出整形了！

(醒麪=放係機內等麪糰可以鬆弛透氣)

麪包機整饅頭。健康愛心早餐系列

自從余小b升上小學後, 媽我經常都要搞盡腦汁

為余小b準備早餐同小息食物!

是日愛心早餐<自家製無添加饅頭>, 

今次余小b都有幫手整㗎! 抵讚!

搓粉最考功夫, 所以今次我就用左麪包機搓好粉糰

再做之後嘅工序, 果然比我想像中易整得多! 

而且省時。方便。零失敗, 媽媽都可以變廚神喔！

跟大家分享食譜和製法!

<自家製無添加饅頭>

材料好簡單, 可以做到8-10個

材料:

中筋麵粉    200g

常溫水        100g

植物油        8g (我用了花生油)

砂糖            15g

快速酵母     2g

♡我們的第一次【親子廚房】♡附食譜: 牛油果香蕉細卷♡色香味俱全之健康小食(Party必備)♡

余小b雖然3歲都未夠, 

但煮野食已經有板有眼

(我係指玩玩具廚房嘅時候XD)! 

既然佢咁喜歡「煮野食」, 

一於同佢嚟個親子廚房吧！

我們今次用上牛油果呢款新興食材來做食譜~ 

牛油果營養價值很高, 

它含不飽和脂肪酸, 

有助降低膽固醇~

而且佢有豐富纖維, 

有助腸道蠕動~ 

當中的維他命C, 更能增強免疫力!

不過, 有時單食略嫌有點膩, 

所以余媽媽便試試整下呢款

討小朋友喜愛的「牛油果香蕉細卷」了！

萬能料理機@法國Babymoov Nutribaby ♡附DIY粟米有機豆漿食譜♡

隨着余小B愈來愈大, 

可以試到嘅野食就愈來愈多唔~ 

其中一款佢好鍾意嘅就係豆漿喇! 

不過, 出面買到嘅豆漿一係太甜,

一係唔夠天然, 始終不及自己整嘅

愛心豆漿好飲和健康!

不過余媽媽家裡沒有添置豆漿機, 

今次就試試用呢部整baby food專用嘅

Babymoov Nutribaby 多功能食物處理器

嚟整愛心粟米有機鮮豆漿啦~

首先分享少少呢部Nutribaby嘅各種功能先~

呢部來自法國著名嬰幼兒用品品牌

Babymoov嘅Nutribaby 多功能食物處理器

集多項功能於一身, 所以我就叫佢做「萬能料理機」~

美極香煎羊架☆好美味♡超易整♡大滿足

明天食咩餸好? 唔洗諗爆頭, 

「自家製美極香煎羊架」啱唔啱? 

呢款菜式夠晒易整, 材料又少, 

啱晒追求快。靚。正的媽媽~

話說近排見,「數字屋」經常做減價, 

於是入手了一批羊架~

可知係餐廳點羊架的話, 

最少也要十多元一支, 而且味道參差,

倒不如趁做特價時入貨, 

炮製美味的羊架菜式好了！

今次介紹呢款美極煎羊架, 

材料和製法超簡單, 

就算平日做開「無飯家庭」都隨時可以自己整到!

<<材料>>

美極鮮醬油適量

喼汁少量

羊架8支(2~3人份量)

自家製鮮果乳酪♡天然新鮮♡健康可口@新西蘭Hansells【附:零失敗製作攻略】

都市人生活忙碌緊張, 食無定時,  

多肉少菜, 出現腸道問題不足為奇~

有研究指出, 乳酪內含大量活性乳酸菌,

能促進腸道健康, 更有消肚腩之效, 

所以余媽媽好多時都會到超市入貨, 
放定一、兩pack係雪櫃~

不過, 原來平時我地係街買到嘅一些即食乳酪, 

其益生菌大多是後期添加進去的, 

而非直接由天然發酵過程所產生的~

因為天然的益生菌早於奶製品的高溫消毒過程中，
被殺得八八九九了！

除此之外, 仲有防腐劑、人造色素和香料，

都係坊間一些即食乳酪中常見的成份。

本身係健康小食嘅乳酪就變得無咁天然了和健康了！

最近余媽媽嘗試利用

新西蘭全接觸』旗下乳酪品牌惠思樂(Hansells)
的乳酪粉DIY天然的乳酪~

用佢嘅乳酪粉混入清水便能製成

健康又天然的鮮乳酪, 

活性乳酸菌含量比一般乳酪高出10倍之多, 

這樣才可真真正正達到食乳酪嘅功用--- 

能有效重整腸道蠕動, 幫助排便, 

給腸道十足活力, 亦是追求體態美的

都市人不可缺少的小食~

愛上「非一般」的水果乾☆新西蘭Fresh As°凍乾水果♡天然健康♡營養價值高

余媽媽一向喜歡天然和有機的產品, 

其實個人覺得都係一項長綫投資來, 
因為健康係無價寶嘛~

最近好高興給我遇上了由

「新西蘭貿易發展局」創立的『新西蘭全接觸』

旗下的Fresh As°凍乾水果,  100%純天然製造, 

用來烹調或當做「有營」小食都超棒嘅果乾~

夏日炎炎, 用佢嚟整小食就最啱喇!

呢款Fresh As°凍乾水果是百分百

新西蘭製造及生產的~ 

《寶寶食譜分享》簡易☆速煮☆營養餐

有一日, 余媽媽打開雪櫃發現只得棵菜, 

忘記左部新雪櫃剛送來

仲未有時間去街市入貨添! 

(今年情人節突然壞雪櫃,
搞到忙得一頭煙。。。)

OMG!!! 

余小b午餐時間就到喇! 

仲可以整咩俾佢食呢？

諗諗計仔先!

好! 一於搞搞新意思, 整碗什錦貝殼粉～

可能大家以為余媽媽講笑! 

得d西生菜點整到什錦通貝殼粉呢? 

而且之前都介紹過三鮮貝殼粉食譜啦 

(按此參看食譜)! 

今次又有咩咁特別呀？

余媽媽話明會搞搞新意思, 

當然係有d唔同啦～

<有營食譜>三鮮伴肉碎貝殼粉(附簡易食譜)

雖然余媽媽的廚藝不是很了得, 

平時又要番工, 

但都希望余小b可以食得健康, 

所以余媽媽會繼續努力為余小b學齊新菜式~

上次整過蔬菜雞肉薯蓉(按此參看食譜), 

余小b幫我清晒~

今次想整貝殼粉。。。

其實13個半月嘅余小b之前從未食過

貝殼粉或通粉之類, 

希望佢會喜歡啦！

自家製蔬菜雞肉薯蓉(附簡易食譜)

唔知余小b係咪日日食我地嘅愛心飯仔食到厭呢？

最近佢好似食得慢左同食少左! 

係時候搞搞新意思, 

整d新野俾余小b試吓喇!

今次試吓自家製薯蓉, 

再加埋雞肉同蔬菜, 

營養豐富又健康！

大人細路都啱食, 

俾小朋友當小食都幾飽肚ga~

其實呢款薯蓉好易整, 

等余媽媽同大家分享下我個簡易食譜啦～

自家製蜂蜜白玉苦瓜汁(附簡易食譜及製法)

台灣係余媽媽很喜愛的地方之一，

每次去親都要飲佢地嘅白玉苦瓜汁，

味道獨特且能清熱，

啱晒去夜市前後飲用! 

係炎炎夏日更是消暑佳品。

可能係太掛住嗰杯苦瓜汁啦! 

余媽媽最近行過一田超市就即刻買左個白玉苦瓜番黎，

預備炮製蜂蜜苦瓜汁。

健康之選 - 三文魚鮮茄炒蛋

小妹昨晚買唔到新鮮魚，不如就用急凍三文魚整我拿手的三文魚鮮茄炒蛋，既簡單又快捷。

最緊要係營養豐富，佢嘅茄紅素對預防男士前列腺問題好有幫助ga。

仲有三文魚有omega3大家都知特別有助小朋友腦部發展啦仲可以降低血液中的三酸甘油脂，

保障心血管健康; 而雞蛋本身就有豐富的蛋白質同營養。

嘩! 一味餸有咁多益處，大人細路都啱食，大家真係要煮吓黎食呀。