台灣北海岸親子遊記<野柳篇>

打旅遊blog真係好療癒, 

可以令我暫時忘憂, 減壓放鬆。。。

話說回來, 其實余媽媽一家對台灣非常鍾愛, 

食玩買一應俱全, 又多親子景點! 

我地係好耐之前已經想去野柳睇女皇頭, 

今年暑假咁啱見到  

@travelababies - 親子旅遊資訊平台  有

 <台灣北海岸一日遊>, 去野柳-九份-十份, 

仲可以玩埋鳳梨酥DIY, 行程好豐富好啱我地, 

車和全部景點嘅入場券都係全包, 

於是我地決定訂佢玩1日, 

結果大家都玩到樂而忘返呢！

當日朝早9點, 司機好準時嚟到酒店接我地, 

友善有禮, 仲要係講廣東話, 同聲同氣, 

溝通都方便啲! 呢日天朗氣清, 

美好嘅北海岸之旅即將展開!

我地一行4人唔洗同人併車, 

仲要係坐好新淨嘅7人車, 坐得好鬆動~

One day tour真係幾舒服㗎！

因為唔洗傷腦筋諗點搭車, 唔洗追班次, 

又唔洗同人迫車, 同埋一上車就可以瞓^^

由於景點與景點之間都有段距離, 

每次車程都要約大半小時到一小時, 

小朋友上車要叉足電啊!

第一個景點就係我地好期待嘅野柳地質公園呀！

成人門票NT$80, 6歲以下免費入場~