好好用嘅有機護膚品牌(下) --- ESSE repair oil '神仙水'

今日同大家介紹吓呢支ESSE repair oil。我叫佢做'神仙水'，點解?因為佢可以好'變走' d 粒粒。

 其實余媽媽d皮膚算過得去，係偶然有一粒半粒暗瘡。經驗話比我知，暗瘡一係就唔出，一出就一粒好大粒，用粉都蓋唔到, 都幾麻煩。就係係我有左bb嘅時候，比我遇到呢個叫ESSE嘅有機品牌, 幫我'變走' d 粒粒。其實'神仙水'係用非洲的植物提煉, 係organic的, 係ESSE嘅皇牌產品。

唔好睇佢細細支(得10ml),但都幾襟用ga，每次只係搽少少係暗瘡位，每日兩次，喑瘡好快就細番甚至自動清失，連d印可以減淡。

佢係走珠式設計，方便易搽。而且設計到細細支，方便放係手袋度，有需要時立即攞出來搽，及時急救你的肌膚，真係非常體貼呀。

我一支都可以用成年呀! 而且佢質地都係少少油油地，話晒都叫repair oil呀，但佢好快可以比皮膚吸收晒啦， so good!

講左有機護膚品兩集之後，等余媽媽來做個總結啦!

其實余媽媽未用有機品牌護膚品之前一直係用日本牌子嘅產品的，但係發覺效果一般，可以話唔太明顯可以改善到膚質。

但當余媽媽一轉用有機品牌後，效果都幾明顯，可以好快將原來缺水的皮膚變到充滿水分，滑滑咁。膚色冇咁暗啞，T字位毛孔細番，要比個讚佢呀!

但係有樣野一定要提提大家---有機護膚品保質期較短，大約一年至年半左右，所以要快d用晒佢呀!

希望大家都review吓自己而家用緊嘅護膚品係咪真係啱自己啦! 我就揾到啱我嘅，你呢?

Company Website: http://esse.co.za/

我的修身體驗(第二回)

上回講到余媽媽要努力修身，剛用左收盆骨帶幾日，感覺唔錯，不過一定要有恆心先得。

今日余媽媽又經過010啦，余媽媽覺得自己個肚生完三個月都仲係大大地，好鬆，好似有左幾個月咁，

於是決心買個扣勾型嘅腰封著。

日日著住腰封會好辛苦?我買呢款腰封都成四百蚊，試穿過吓，算係比較軟身同舒服。

講真，唔戴最舒服，不過要減腩辛苦d都冇計呢!

其實余媽媽生完頭一個月都有著吓黏貼型腰封，但第二個月開始就偷冷冇著到，於是miss左修身嘅最佳時機。

由於黏貼型腰封係for產後一兩個月用會比較有效，所以余媽媽又要買個新嘅腰封了，又敗家了。

冇辦法啦，余媽媽要盡快回覆未有bb時嘅身形呀!

 唯有努力d啦，明天起要每日做一百吓sit-up,希望雙管齊下可以修身成功啦!

生完要修身嘅媽媽，大家一齊努力呀!

遲d再同大家分享吓著成點!

Company website: http://www.010maternity.com/

小b愛'冷'街

話說早兩日下午，我同余爸爸，余小b一家三口好開心咁出去食下午。

其實我地平時好少帶余小b出街行，因為佢仲細，而且推住bb車行街好唔方便。

可能因為少同余小b去街啦，佢一出到街已經好乖，四圍望，好似好新奇咁。

我地來回三小時已經番到屋企啦, 算係快。一開門入屋，余小b就開始扁咀啦! 冇幾一佢仲大喊...唔通個個bb都鐘意去街嘅?

聽d老人家講，話佢地咁細個，唔好成日帶佢地出街，會'心野'...原本係真嘅(咪就係好似余小b咁樣囉) 真係比余小b激死呀!

必食的北海道帶子刺生

余媽媽其實好鍾意食刺生，不過之前陀住余小b所以唔敢亂黎。而家終於可以食小小啦!

 

早前係AEON團購買左盒2L size嘅北海道帶子刺生，有大約15隻, $329, 都ok掋，平時都要接近$400一盒。

  

今日放工攞左番黎忍唔住即刻同余爸爸開黎食。嘩!好大隻呀!又厚肉又鮮味，好滿足呀...我比99分。下次有一定要再買。

 2L size真係好大隻, 唔係成日有...

係餐廳食真係好貴, 其實咪又係呢D貨...

(試用) DermaH2O WaterWipes99.9純水嬰兒用濕紙巾

好高興WaterWipes揾我試用佢地嘅產品，

使我更加認識到使用優質嘅嬰兒濕紙巾對BB嘅重要性和影響。

其實WaterWipes係由愛爾蘭DermaH2O 生產嘅嬰兒用濕紙巾。同市面上同類產品唔同, WaterWipes係純天然，當中99.9﹪係純淨的水（purified water）， 而剩下嘅0.1％係葡萄柚籽精華（Grapefruit seed extract）。

其實我本身用緊一隻日本牌子的嬰兒用濕紙巾, 佢同樣係標榜99.9%純水, 
不過我唔多清楚用開嘅日本牌子剩下嘅0.1％係咩黎。



試用完WaterWipes濕紙巾後，就覺得兩者牌子的濕紙巾好唔同啦!第一個感覺係WaterWipes質地比較柔軟，紙巾厚度同大小適中(比我用開果隻厚小小, 好喜歡呢隻厚度, 太薄感覺唔係幾好...)，所以用來抹BB大小二便好適合，唔怕‘hi’到成手都係

而且佢唔會太濕, 用完之後皮膚幾爽, 唔會過濕, 比個讚佢
(我最初用過另一牌子, 覺得濕左少少)

 

我知道市面上部分濕紙巾係加入左lotion同香料成份, 係唔適合比BB用來抹手或抹面嘅。加上, 由於嬰兒嘅肌膚好敏感，應該盡少接觸帶有化學成分嘅產品。 WaterWipes濕紙巾係無香味同冇lotion成份，就最啱比好似余小B肌膚咁幼嫩嘅BB使用。就算用黎幫余小B抹手同抹面都唔怕。

 如果你BB有皮膚敏感的話, 相信WaterWipes係你不二之選。因為只有純天然無添加的產品先唔會再令BB的敏感情況惡化。

睇過佢地個WEBSITE, 原來WaterWipes係短短2年內已經成為愛爾蘭同英國銷量最高的嬰兒用濕紙巾。最近仲榮獲愛爾蘭本地的嬰兒產品獎項, 所以我都幾有信心試用呢個product。

由於Waterwipes初進軍香港市場，所以暫時得元朗嘅One Baby門市有得賣佢嘅產品。

但聽聞佢嘅產品好快會係Babykingdom online shop 同埋ubaby上架，

咁到時我地就可以容易D買到佢嘅產品啦!

再次感謝WaterWipes的試用邀請 :)

更多資料:

Company facebook: https://www.facebook.com/waterwipeshk

Company website: http://waterwipes.com/product/baby-waterwipes/

One Baby facebook及地址: https://www.facebook.com/onebabystorecompany

(元朗鳳琴街22號金龍樓地下2B店舖)

我的修身體驗(第一回)

話說余媽媽係生完之後見自己盆骨大左d,所以去左010 maternity買條收盆骨帶比自己，剩惠$315。

010幾時都冇減價，都係快d買黎用啦!免得後悔莫及。sales姐姐話用三個月，每日用三小時就可以收到兩寸，聽落都ok。

(Made in Taiwan, 010 口碑都唔錯, 大牌子, 買起來有信心)

質地柔軟, 魔術貼使用方便

穿起來一d都唔辛苦, 活動自如

余媽媽著左幾日，著起上來都幾方便，唔太辛苦，希望有效啦，

等我試完遲d話比大家知效果如何!!!

余媽媽要加油呀!

Company website: http://www.010maternity.com/

好好用嘅有機護膚品牌(上)---John Masters organics

自從懷孕開始,朋友就介紹我用John Masters organics嘅護膚品，前後都用左成年啦，我覺得呢條line幾好，佢係organics嘅護膚品,有USDA驗證(70-100%organic content)，唔怕有太多化學物質會影響個胎(你知啦，陀bb時要非常小心d,就算係用係面度都驚會比皮膚吸收到,對bb會有影響)，所以雖然貴少少，但我都覺得值得買。

本身我T字位比較油，有士多啤梨鼻，之前做過facial針清完d黑頭好快又出番黎。但係當我轉用左呢條line後，鼻上黑頭明顯少左九成，magic!(連針清都唔洗) 而原來皮膚較乾的我用左佢嘅洗面同卸妝液後，再加埋佢隻精華素，皮膚即刻moisture番晒. 大家可以試吓。

Company website: http://www.johnmasters.com/index.htm

一田之旅 (想買學習柸必睇)

話說最近余媽媽去左一田半年一度大減價, 一去到真係人山人海呀，
當然有好多b6一齊迫啦!

 超市我冇行呀，因為唔係直接返屋企，買左野都keep唔到。
不過見到單張show有好多急凍海產都幾掋。

由於時間唔多，今次我主打嬰兒部(其實有好多野都想睇，可惜唔夠時間)。
未入到去嬰兒部已經人山人海了啦!

結果我買左個dream collection學習柸比余小b(過多兩個月就可以比佢用啦)，
八折左唔洗$95，我覺得幾掋買，因為佢包左鴨咀同飲管,可以分兩個階段用)。

咁多個牌子點解要選Dream collection?大家可能冇咩聽過呢個牌子，其實佢係日本牌子，
公司已經好耐歷史，係日本幾出名，香港係由chu chu代理嘅，泰國製。

而且余媽媽睇過市場上好多學習柸，佢最耐熱，柸連蓋同所有配件都可以steam(但我建議柸蓋入面條白色軟膠最好唔好steam，因為驚佢會收縮左放唔番落去),耐熱去到140度，又可以放落雪櫃。

此學習柸包左鴨咀同軟管兩個階段，五個月開始可以用鴨咀，8個月就可以用軟管。余媽媽之後又買左個nuk奶樽蓋，都有八折。掋呀!

睇完比埋錢時間都差唔多啦，要趕返公司啦! 今次買左好少野，下次再掃過!!!

 

今日著數報料

去左一田SALE...真係拍得住SOGO...好多人呀...

未有時間同大家報告我的掃貨之旅...(我會盡快 )

BTW...今日有咩著數野呢?

如大家係想買I-Angel 的韓國HIP SEAT揹帶, 可以今日去睇吓, $850...只限今日

平時SURE賣正貨的SHOP都唔只呢個價...

要買趁今日啦...唔好咁晏...可能會賣晒...

美麗的高雄

2012年底去過...唔知幾時可以同余小B去呢度呢?

今日tea一tea

自從囝囝出世後，都好少出街食飯，因為好唔方便。

今日有機會可以鬆吓，我同老公去左屋企附近一間cafe tea吓，試左呢樣新野---水牛芝士pizza 。

初時睇落冇咩特別, 但食落味道幾好，又香，又有淡淡的芝士味，又唔會好鹹，

加上佢係即叫即焗，所以好鬆脆，只係$39仲包柸香濃的熱朱古力奶，好掋食呀! 我比85分佢，值得一試。

健康之選 - 三文魚鮮茄炒蛋

小妹昨晚買唔到新鮮魚，不如就用急凍三文魚整我拿手的三文魚鮮茄炒蛋，既簡單又快捷。

最緊要係營養豐富，佢嘅茄紅素對預防男士前列腺問題好有幫助ga。

仲有三文魚有omega3大家都知特別有助小朋友腦部發展啦仲可以降低血液中的三酸甘油脂，

保障心血管健康; 而雞蛋本身就有豐富的蛋白質同營養。

嘩! 一味餸有咁多益處，大人細路都啱食，大家真係要煮吓黎食呀。

今日好介紹: 二合一暖奶和濕紙巾器

朋友剛送了一份禮物比余小b，相信佢一定好鐘意。我急不及待開黎睇吓。

呢份禮物真係好窩心，真係要即刻介紹比大家 - 係二合一暖奶和濕紙巾器。暖奶器就見得多，咩而家出埋暖濕紙巾器呀?

說回來，點解要送呢份禮物比余小b. 因為朋友知道余小b對溫度好敏感，每次換片或抹面時，用濕紙巾或濕綿抹佢pat pat同面，佢都會大叫同四圍郁，好似好唔鐘意咁。

有左呢個二合一暖奶和濕紙巾器，我們可以一邊坐熱d 奶，一邊用暖暖嘅濕紙巾換片，真係好方便呀，
而家唔洗怕余小b係黎緊嘅冬天會唔肯抹面同換片啦! 

呢個設計有兩大優點，第一，是二合一設計，伸縮奶瓶保暖坐，都幾方便輕巧。第二，佢可以把溫度keep係35度左右，唔洗成日要加熱(呢個溫度唔只唔會傷皮膚，反而好適合秋冬季節)。

唔知大家有冇諗住買番部比你們的小天使呢?

K1班面試的迷思

今時今日，一兩歲就接受面試訓練的已很普遍。一個兩歲幾的小孩竟然要參加多次面試才能有機會入讀K1,試細心想想:他們出席面要比升中面試和大學面試的次數來得更多，真諷刺!

我曾聽過一件真人真事:有位朋友從兒子半歲就送他參加英文訓練班。訓練班老師讚他英文閱讀和發音不錯。一天，他的兒子要參加K1班面試。當這位小孩正在用心地按老師的要求去朗讀英文文章不久，老師突然叫他人停下來。但這位孩子並沒有依指示停下來，他仍然不停地誦讀至他完成為止。原來平日訓練班老師要求學生每篇文章從頭到尾要誦讀最少十次，未誦讀完不能中間停頓。於是，這位小孩便牢記住老師的說話，在面試時 “發揮水準”。

直到這位孩子沒有被這間名校取錄彼，這位家長才恍然大悟 – 千萬不要盲目訓練孩子，令他失去了與生俱來的思考能力和創造力。

換片的煩惱

身為注重衛生的媽咪，當然會自備一些濕紙巾比自己係街換完片後抹手啦!唔通吓吓都要推住bb車去toilet咩。

不過大家要緊記，普通濕紙巾可能未必可以殺死d細菌，而用含酒精成份嘅濕紙巾或搓手液雖然可以殺死細菌，但係都幾傷我們的玉手。

所以我今日介紹大家用Babyganics 的無酒精搓手液, 美國製造。

由余小b出世到而家，我都係用佢，都幾好，完全唔傷手，好鐘意佢搓完仲幾爽幾乾淨嘅感覺，最緊要係大人細路都啱用，好安全。

如果想要少少香味，可以選擇有味的。

而家就連余爸爸都話要用呢隻呀，佢話都要護吓手wor,真係識貨呀!

 

Babyganics HK Facebook: https://www.facebook.com/BabyGanics.HK

我好有 ”營”

自問係一個好注重飲食嘅人，平時飲食少油少鹽少糖，有時都會買吓有機野食吓，雖然係貴少少，但健康最緊要。

"余小B”與我

不知不覺，余小b已經三個月大了，雖然有時佢會扭計唔肯食奶, 又會扭吓抱, 唔抱就會大哭,

但每當我諗起余小b的笑臉, 就會忍唔住抱吓佢。

神奇的事情出現了 --- 一抱余小b佢就即刻收聲唔喊 (十次有十一次都係咁)。

bb真係好鍾意人抱, 因為有安全感......

自從我知道就快做媽媽後，母愛開始氾濫啦! 個人開始變得精打細算，

因為都預計到第日一定有好多開支, 寧願慳自己去花多d錢係余小b身上!

此外，我相信好多媽媽都會好似我咁，將BB的利益放係第一位，
特別對食，用，著呢三方面 嘅要求高左好多。

所以我成日都留意吓有冇既啱用又優質的產品可以買比余小b。
母愛真係好偉大呀...

日後我會係呢度多d同大家分享我的親子生活同介紹多d好嘅bb產品比大家,

希望比大家有個參考，唔會浪費金錢買左d唔啱用同唔好用嘅野。
大家一齊加油吧!