放假又係放電嘅好時機喇!
余媽媽一家係五。一假期就到左
「KCP
x KIDO Town至激海洋世界」充氣樂園大放電~
向來都是充氣嘉年華小粉絲的余小b一踏入
九龍城廣場見到呢條巨鯊
有得彈。彈。跳。跳啱晒佢呢個好動B啦～
余小b啱啱高過90cm, 所以全場遊戲都可以玩到! Yeah!
呢次活動以「至激海洋世界」為主題,
所以好多遊戲都同海洋生物有關~
遊戲分佈係商場的3個樓層~
動態和靜態遊戲都各有棒場客,
等余媽媽同大家逐一分享啦！
場內售票處有140玩套票出售
(任選3個$50遊戲和2個$
想更抵玩, 可以預先係親子王國eshop
以9折價錢購買同樣的套票啊！
先介紹票價為HK$50的六大好玩遊戲啦！
全場最觸目當然係呢條8米高的巨鯊啦！
正是【捕鯊探險記】
原本以為余小b未必夠膽挑戰8米高嘅巨鯊滑梯,
誰不知佢諗都唔諗就衝左去玩喇!
全程都表現得十分興奮!
余媽媽覺得呢度其實係一個鍛煉膽量的好地方呢！
如果唔想咁刺激, 可以玩呢個【海洋遊樂園】~
它以蟹為造型, 入面設有彈床, 滑梯和障礙物,
讓小朋友能開心彈彈跳跳, 真係好啱細仔玩㗎！
余小b仲係度識左幾位新朋友！
另一個大熱遊戲非【海洋掘掘樂】莫屬!
余小b對所有車類都好感興趣,
當日佢一見到呢部挖泥機就即時尖叫了！
係平時的生活中, 真係無咩機會可以操作挖泥機㗎！
今次余小b可以如願以償喇!
仲可以訓練小朋友的專注力和手眼協調~
開始時, 工作人員會教小朋友點控制部機,
之後小朋友就可以自己慢慢玩喇!
專注的男人真係好迷人呢！
今次必玩的遊戲當然係【我要做騎師】啦～
十分貼心! 隻隻動物造型都咁cute,
難怪余小b唔知點揀好!
控制呢隻馬仔其實都好考小朋友的肢體協調㗎,
真係好似騎梗真嘅馬仔咁，
而且更安全和更容易掌握。。。
仲愈騎愈純熟, 馬仔愈跑愈快！
我地唔係成日有機會去沙灘, 余小b又喜歡玩沙,
所以呢個名為【流沙掘海中寶】
完全可以滿足到佢玩沙嘅慾望啊！
粉紅色的環保造型流沙, 有抗菌成份,
色彩鮮艷奪目, 模上手又乾淨, 感覺十分安全,
亦唔怕整污糟件衫!
余小b搵到好多寶藏呀！好開心呢！
堆完沙後, 余小b見到係【海洋藝術廊】入面
d哥哥姐姐整梗靚靚手工, 即刻大叫: 「有好多魚呀！」
於是又入去玩埋一份^^
仲話要送條魚俾我做母親節禮物！
雖然最終都要余媽媽出手襄助,
但係佢呢份心意真係令我好sweet^^
Thanks, my dear!
父母可以跟孩子一同發揮創意製作小手作,
享受美好的親子時光, 是一個不錯的親子活動啊～
仲未玩夠? 仲想繼續玩落去? 可以去考考眼界。。。
會場設有五種小遊戲, 只係十蚊一個game,
玩多幾轉都唔會肉赤～眼界準嘅小朋友仲
可以得到一些小禮物！
【超級全壘打】
呢個game對未夠力握捧球棍嘅余小b來說的確有點難道,
雖然3球全食蛋, 但係余小b仍樂在其中呢！
【投籃競賽】
余小b同樣需要我地幫拖^^
都叫佢食多d飯㗎啦～
【百發百中】
擲中飛標有獎! (3次中1次就有獎^^)
余小b呢個係錯誤示範喔！大家千祈唔好學!
【懸浮射擊】
有姿勢有實際! 瞄準! 發射!
【鴨仔逐隻捉】
3槍中1槍就有獎^^ BINGO!
我地嗰日都贏到HiPP嬰兒濕紙巾、
動物帽和動物擦膠呀XXD,
可謂滿載而歸呢！
當日余媽媽一家渡過了一個美好的週日,
大家都樂而忘返呢！十分感謝We嘩! 充氣嘉年華的邀請！
期待下一個We嘩! 充氣嘉年華的來臨啊！
想到 「KCP x KIDO
Town至激海洋世界」
充氣樂園玩樂一番, 5月8日係最後機會喇!
有關KCP x KIDO Town至激海洋世界:
日期: 2016年4月29日至2016年5月8日
地址: 九龍城賈炳達道128號
KCP九龍城廣場UG、1/F 及B1樓層
時間: 上午11分至晚上7時
活動網址:
活動Facebook:
多謝收看!喜歡呢篇blog嘅話,
可否去我地個Facebook 俾個Like我地呢？
謝謝支持!
以下是余媽媽と余小bのFacebook~
沒有留言:
張貼留言