傳統與創新之結合

 

 最近出席左一個好特別嘅花鈕工藝展覽活動，仲可以同余小b一起動手做花鈕，真係獲益良好、眼界大開啊~

未去呢個展覽之前，我地對花鈕嘅認知僅限於中式華服上的一字鈕，仲要係余小b學校一年一度嘅中華文化日和農曆新年才會穿華服，所以比較少接觸到。不講不知，原來花鈕係香港非物質文化遺產，一粒小小的鈕扣，結合了傳統手藝及非凡的意義

今次嘅展覽讓我地認識到不同款式嘅花鈕，傳統款式有很多花嘅形態，造工很精細，每粒花鈕都要付出很多時間同心機，很考師傅手藝而新派花鈕更加入了創新元素，有很多香港人嘅集體回憶，包括：飛行旗、幸福小黃鴨、平安包，更有世界名畫系列：星月、吶喊、幾何等⋯新派花鈕不單止出現在華服中，還可以做成耳環、手鏈、袖口鈕等飾物，成為行走的藝術品，不受年齡和場合的限制

現場仲設有「動手做花鈕」自助體驗區，一起動手製作幸福小黃鴨或小白雲花鈕，了解花鈕的製作過程仲可以玩埋趣味小知識，換埋紀念品金屬小書簽番屋企啊

呢個由康樂及文化事務署「非物質文化遺產資助計劃」資助的《花鈕工藝傳承》師生聯展，於2024 年 7 月 19 至 25 日於香港大會堂高座 7 樓展覽館展出，免費入場，大家不妨趁暑假帶小朋友去參觀一下啊

詳情可瀏覽：

www.facebook.com/ichflowerbutton

www.instagram.com/ichflowerbutton