好開心可以跟余爸爸到台灣預祝我們的結婚紀念~
余媽媽向來很喜歡到台灣旅遊,
今次就選了到墾丁和高雄relax一下~
真的要感謝婆婆的幫忙,
才能成就我們今次的二人世界之旅。。。
但要暫別余小b幾天,真是有點捨不得~
下次一定會帶埋余小b去!
平時去旅行都係住酒店多,
今次黎到墾丁呢個旅遊勝地,
民宿多不勝數, 無理由唔試試。
所以出發前已在香港預訂了一間中檔次的民宿了~
呢度嘅民宿一般少過十間房,
由於民宿唔係酒店,
所以香港大部份的旅行社都未必有得訂,
直接電郵到心儀的民宿做預訂都好方便。
大家亦可以去各大酒店預訂網作預訂。
余媽媽今次就選擇了係agoda.com預訂一間叫「米尼米」
嘅民宿, 因為經格價後係嗰度訂我呢間民宿會抵d。
由於墾丁的公共交通工具班次並不頻密,
住墾丁大街係較方便逛街。
而之前友人在這間民宿住過口碑不俗,
加上2013年有翻新過,
所以它成為了余媽媽的首選。
米尼米民宿座落於墾丁大街,
位置非常方便~
就係鄧老師腳底按摩店的小巷內, 好易找。
踏入民宿就已經有份家的感覺。
雖然店面小小的,
但裝修得很有品味和心思~
加上店主展示大量的收藏,
跟牆上的顏色和圖畫也配合等天衣無鏠。
Check-in
完先上房放下行李和整理一下。
這裡沒有電梯, 只有樓梯,
是大多數民宿的特色, 所以大家的行李不宜太重啊～
如果有老人家隨行, 都是建議入住酒店比較好。
這裡共有八間房, 而我們訂的是一間豪華洋台房,
約HK$450(連早餐)。
房間裝修都幾新淨, 用了粉綠色做主色,
望落好舒服。
除了提供一張雙人床外,
這裡還有空調設備、梳化、茶几、毛巾、電視、
雪櫃、書枱、和風筒等, 設備跟酒店差不多。
如需煲熱水, 可向店主借用電熱水煲。
全館有free wifi, 非常方便。
房內亦不乏店主的珍貴收藏~
打開門可以走出露台,
在這裡聊天一定會很寫意,
可惜沒有什麼景觀,
如果有埋靚景就更好了!
浴室提供一般設備,
唯一缺點沒有把沖涼位隔開。
每次沖完涼後水會湧到馬桶附近,
地下比較濕滑，要小心行!
當日我們都有去另外兩間空房八掛吓,
環境都唔錯啊~
換個話題, 講一講早餐,
由於這間民宿不設餐廳
(其實大多數亦如是, 因人手不足),
因此提供了早餐劵給我們到附近合作的食店吃早餐。
這過安排都不錯呢～
食物款式以三文治為主,
雖然食物款式不多, 但勝在夠美味!
民宿最特別的地方是店員和客人的關係會較密切,
很願意按客人要求詳細介紹地方給客人,
亦很主動幫手叫車。
之前提到墾丁的公共交通不太方便,
如想四圍玩又想省點錢,
可以好似我地咁叫民宿幫手找拼車
作本地一日遊(即是店員會聯絡租車公司訂位,
租車公司集合夠4-6位客人預訂就會出車,
大家一齊攤分車資, 每位約NT$700-800, 會較划算)。
如果本身多人隨行, 可以索性包車遊(約NT$3000/8小時)~
我們Day2都透過民宿參加了
墾丁國家公園一天遊,
那天真是個既難忘又好玩的體驗,
稍後會陸續跟大家分享啊～
有關Minimi inn 米尼米民宿:
地址: 屏東縣恆春鎮墾丁路海濱巷3號
沒有留言:
張貼留言