有關余媽媽:
~資深教育工作者為屋企打拼的在職媽媽Blogger

余媽媽的分享:
~愛四圍遊,四圍食,四圍玩
~愛分享: 親子育兒資訊、母嬰用品攻略、 有營食譜、美容護膚心得、美食及旅遊平。靚。正推介!!!

有關產品試用/出席活動/意見,歡迎與余媽媽聯絡:qsmartland@gmail.com

2014年9月29日 星期一

余小b熱熱鬧鬧一歲生日party

終於有時間出番上月余小b一歲生日會嘅花絮啦~


呢個生日會其實都籌備左兩個幾月。。。
無錯! 余媽媽今次又做搞手啦~哈哈!
今次我地總共有大約廿個家庭出席呢個一歲生日會,
大家嘅bb都係同年同月同日生
真係好難得可以認識到大家。。。

由於今之多人參加
上次半歲生日會嘅會所唔夠大
唯有另覓場地。

我地今次每個大人只收大約$200, 
所以都唔可以駛得太豪。
最後, 我地選了係荔枝角Kids Fun
join佢地個小食套餐連三小時場地。

說實話, 一早都知道佢地呢度提供嘅食物質素一般
不過, 由於的我地當日要處理太多野
人手又唔太夠, 所以才會join佢地個小食套餐。

但如果大家人手充裕的話
余媽媽好建議大家自己訂到會(另係佢地度book),
起碼想食d咩自己可以控制到吖
價錢亦有機會更平。

不過要讚店主很好
很細心,rundown都幫手諗埋
幫輕左我地唔少。。。

所以余媽媽覺得KidsFun今次收我地
大人$118包食物及三小時場租都算okay! 
始終星期日較難租到平嘅場地! 會所又唔夠大。。。

場地呢度有大約一千平方尺, 可以容納40-50人~
媽媽覺得呢個場最理想係容納25大人加10小朋友
因為實際個場真係唔太大。。
由於我地唔想其他媽媽失望今次收多左人
所以會迫d所以會迫少少。。


一入到去就有好多部扭蛋機
余小b完全被佢吸引住了!


除左洗手間外
場地亦提供人見人愛嘅
波波池和小滑梯呢~


當日未開場
我們幾位義工媽媽就
開始佈置場地和包禮物了!
大家都十分忙碌~
d係我們辛苦得來的成果
有好多禮物啊~
Thank you sponsors!!!
每個到場嘅家庭都可以得到

一個場禮物包和抽獎禮物~



我地仲訂左廿幾個輕汽球做佈置, 每位生日bb

臨走都可以拎番個番屋企。




好開心今次揾到間公司為我地提供免費場刋,
由設計到印刷都係佢地一手包辦
 我地只需要上去佢地studio影張相俾佢地整落場刋度。。。
呢本場刋余媽媽會好好keep住呀!

我地仲請左個party姐姐幫手主持呢個生日會,
好讓大家可以盡量enjoyparty。。。

一開場姐姐就同大家玩彩虹傘啊~

呢個靚靚生日蛋糕真係唔捨得食!

食飽飽我地就玩左個爬行比賽。。。
但余小b當日超唔合作, 點引佢都唔肯爬肯囉!

最後到抽獎環節
余小b因為太肚餓
所以余媽媽只好抱住飲梗奶嘅
余小b一齊領獎。


大家平時開完媽媽會搞嘅生日會
banner會點處置呢? 
我地今之就各自剪左自己bb個樣出黎留為紀念喇!
大家下次搞生日會不妨試試吧~

有興趣可以按此睇番我地半歲生日會嘅花絮~

歡迎LIKE我們的FACEBOOK, 
可以收到最新的資訊啊~
~My Facebook~
余媽媽手記



My Blog Links:
有關產品試用/活動邀請,歡迎與余媽媽聯絡
Email: qsmartland@gmail.com
Facebook Fan Page: 余媽媽手記

沒有留言:

張貼留言