有時朋友聚會唔知食咩好,
打邊爐都係個不錯的選擇!
早前余媽媽就同朋友嚟到灣仔稻香食火鍋喇^^
呢度嘅招呼唔錯, 下單後等左一陣就有得食喇!
呢度嘅椰椰芝麻雞鍋口碑唔錯,
所以我地叫左1隻試試
(晚市時段$90/隻, $50/半隻)~
侍應先將已加入百分百天然椰肉的鮮椰子水煮滾,
再加入自家農場放養的穗香芝麻雞,
煮5分鐘左右就可以食喇!
(想雞肉食起來嫩口啲, 就唔好煮太耐呀～)
呢隻穗香芝麻雞雞味濃郁, 而且皮脆肉嫩,
唔會好肥膩, 啱晒愛健康的我!
伴青桔仔或沙薑醬呢2款地道醬料進食,
酸酸辣辣, 特別開胃~
加入了雞肉的椰子水就變成椰子雞湯了,
入口非常清甜美味, 有了椰子就能可以清熱降火了~
咁好味梗係用埋個椰子雞鍋做湯底啦！
呢度嘅火鍋材料選擇繁多,
特色肉類、海鮮、肉丸、餃子、蔬菜等都好齊全~
心思思想試試呢度嘅皇牌推介~
黑豚梅肉($38/份)
質感軟滑, 份量多, 好抵食!
美國牛小排($48/份)
肉色鮮紅, 口感香嫩, 牛肉味濃~
田園菜籃($48/份)
一系列受歡迎的火鍋常點蔬菜,
包括: 生菜、鮮菇、秀珍菇、粟米、蘿蔔、
翠玉瓜等展現眼前, 超有份量,
一定比散叫划算, 所以是必點項目~
海生蝦($48/碟)和廣島蠔($48/碟) 兩碟都係大大碟,
本身以為是蝦仔, 但竟然比中蝦還要大,
已且也算新鮮彈牙^^
而廣島蠔更是喜出望外地大隻和肥美!
當然唔少得脆鯇骨腩($48),
鮮蝦丸和豬肉丸啦(雙拼$52/碟)~
脆鯇爽口彈牙, 連唔太喜歡魚嘅朋友都食左兩件~
鮮蝦丸和豬肉丸份量都好多, 唔怕唔夠食啦！
還有鮮炸生根($28/碟),
鳳城水餃和鮮蝦雲吞(雙拼$48/碟)及
鳥冬($28/碟)
尤其覺得水餃和雲吞很飽滿和足料!
配合埋各式火鍋醬料, 份外美味!
飲品可選汽水、菊花茶、酸梅湯~
可以一大jar一齊分享~
食埋水果就係個完美的句號了！
余媽媽好喜歡呢度啲食材夠晒大碟,
而且質素不錯, 價錢也算合理, CP值高，
係食火鍋不錯的選擇~
下次會再嚟^^
多謝收看!
以下是余媽媽と余小bのFacebook~
沒有留言:
張貼留言