好耐都無同余爸爸出嚟二人世界,
一於搵間坐得舒服嘅餐廳食晚飯!
我地兩口子到左銅鑼灣凡高廚房食好西!
餐廳裝潢很有藝術氣色, 藝術可以陶冶性情,
係度食飯真係幾relax!
呢度嘅環境除左好啱情侶外,
也適合家庭/朋友聚餐!
老闆很健談風趣, 不時都會跟客人風花雪月~
睇到menu上有我地最喜歡的生蠔,
當然不可錯過啦！
於是點了珍寶生蠔拼盤C($268)~
生蠔海水味濃, 新鮮爽口, 食得出是上價貨,
老闆笑言連自己都唔捨得食呀
!
拼盤中仲有法國藍青口和太平洋虎蝦,
同樣鮮甜, 完全無雪味~
我們也試左呢度嘅凡高頂級和羊餐($388)~
頭盤係挪威三文魚酸雜菜卷, 味道清怡開胃~
再來呢度嘅著名98%野菌忌廉湯,
真係即打的, 菇味非常濃郁,
入口還食到粒粒野菌, 余媽媽十分喜歡!
實是誠意之作!
餐包也絕不失禮,
係呢度嘅老闆提供秘製食譜給鳳香園製的,
十分香軟新鮮~
主菜來了！
招牌澳洲和羊配蒜蓉香草醬薯角真是令人垂涎~
羊架肉質嫩滑, 完全不覺膻~
但最令我驚喜的竟然是佢嘅配菜---
蒜蓉香草醬薯角~
原來呢度嘅薯仔製法一啲都唔簡單,
工序甚多, 集烚、炒、炸於一身,
所以外脆內juicy, 非常具層次感,
絕非像美式炸薯只有那種脆和乾身,
配上醬汁後,
味道就更上一層樓了！
唔知大家有冇留意到呢度嘅菜式
上碟時都擺得好靚和有心人思,
是視覺的一大享受!
不愧為凡高廚房啊！
除了羊架外, 我地仲點了一份晚餐---
原來呢款豬仔骨係老闆以前參加
比賽時的得獎菜式嚟! 用10種秘製醬汁
醃製而成,
所以好入味, 外脆內軟~
很喜歡佢嘅內質可以保持juicy,
唔會乾身~
套餐設歐陸式小食、是日餐湯和餐飲~
食到呢到已經很非常飽~
但還是要以美味的甜品作結---
意式啤梨芝士批作結^^
用啤梨嚟做芝士批都幾特別,
入口食到啤梨蓉, 而且唔會太甜,
可以一人獨吞一整件也不會油膩呢！
離開前見到餐廳的Poster, 原來呢度有
提供派對包場和到會服務,
係用GOGOVAN送貨㗎,
所以送港九新界都冇難度!
我地下次搞媽媽會聚會又多了一個好選擇喇!
《整體感覺》
餐廳環境舒適、食物質素高、份量十足,
職員和老闆親切友善,
令客人能慢慢享受這一餐! 下次會再來光顧啊！
有關凡高廚房:
銅鑼灣軒尼詩道451-457號
勝華樓2樓B室
沒有留言:
張貼留言