食物有驚喜的新開居酒屋

無嚟天后一排，原來呢度開左好多新餐廳，啱晒為食的我可以逐間試吓~

呢晚我地到左呢間【碗盛】居酒屋吃晚餐~ 餐廳環境舒適，見到個餐牌真係好吸引，好多野都想試啊！

先嚟【枝豆】和【沖繩水雲漬】熱吓身~
枝豆炒得非常香，愈食愈想食~ 沖繩水雲漬真係不得了，好滑好爽口，帶點微酸，是開胃的餐前小食~

嚟到居酒屋當然要食吓串燒飲吓酒啦！所以今次點左幾款串燒: 燒雞腎、燒白鱔、厚燒牛舌、串燒多春魚、紫蘇芥末豬五花腩都非常美味，又香又juicy~ 雞腎和牛舌爽到不得了~紫蘇芥末豬五花腩更是第一次食，口味很清新，油脂好香，入口很嫩滑~

梅酒配串燒，一絕~ 店員推介左我飲呢款有微辣嘅梅酒，好易入口，好特別喔~

幫仔仔點了杯特色梳打，透心涼~

【雜錦天婦羅】都是必點！用魚形籃盛載十分可愛，加分~ 呢度嘅天婦羅炸粉適中，不會過厚，入口很香脆，大愛蝦天婦羅，炸完都能保持蝦的肉汁，彈牙度十足~

【芝士年糕】很讚，用紫菜包住食，就會有外脆內軟的口感，看見芝士溢出，很療癒呢~

食埋【火炙小牛排拉麵】就夠晒飽肚了~ 小牛排很嫩滑，拉麵夠彈牙，還有我喜愛的溏心蛋，很快已經將成杯KO左~

呢度嘅食物很有驚喜又高質，十分不錯~ 美食真係好療癒啊！