觀塘隱世日本菜

呢間隱世日本餐廳位於觀塘工業中心，估唔到工廈入面可以食到美味日本美食，真係好吸引呀~

餐廳【古今二】環境舒適，裝修新潮，連餐牌入面嘅食物名稱都好特別，好有心思~

今次我地就試左以下幾款菜色~

【柚想蝦你沙律】味道十分清新，用上了多款蔬菜，緊係唔少得大蝦和柚子啦！仲有我最愛的牛油果，健康清怡，非常開胃～

【三文魚頭湯鍋】我一向都好鍾意食三文魚頭㗎~ 因為真係好滑、好好食~ 用嚟做湯喎，啲湯白雪雪又香濃，真係一流呀！

【網燒牛舌】又香又爽滑, 配埋特製醬汁, 份外美味~

【相撲力士】和【煙花】其實係卷物嚟 ~ 外型好靚好特別, 非常吸引，有驚喜，當中包含了各種刺身，飯是微暖，好好味~

呢餐只係四百幾蚊就可以食到咁豐富嘅日本菜，足夠2人享用，味道仲唔錯添！下次再嚟試下其他菜式先~