【韓牛牧場】銅鑼灣食韓燒lunch

呢日同friend子去左銅鑼灣【韓牛牧場】食韓燒lunch~

 

職員安排左個窗邊卡位俾我地，可以望到街景都唔錯～

 

因為我地兩個都係食肉獸，所以就叫左1++韓牛韓燒定量午餐（二人份量）同1++韓牛牛肋骨湯飯，估唔到份量都幾多喎！兩個人食真係夠晒飽呀～

呢度採取半自助形式，可以先到自助區自取韓式前菜和沙律，有很多款式選擇，仲可以無限量任添！飲品都係出面雪櫃自取～

 

冇幾耐，主角就出場了……

 

【1++韓牛韓燒定量午餐】包左：1++韓牛牛肋骨肉、韓醬1++韓牛肩胛、西班牙黑五花腩、韓牛和黑毛豬腩肉、韓式雞腿肉、虎蝦拼半殼青口，有肉有海鮮，好滿足！特別喜歡韓牛那種香濃嘅肉味，入口好嫩滑，黑毛豬更加冇得輸，虎蝦肉質亦好彈牙呀～ 

 

【1++韓牛牛肋骨湯飯】啲湯好清甜，仲有好多韓牛係入面，真材實料，配白飯真係一流呀！

 

午餐可以食韓燒，每人都係200蚊左右，價錢都算幾抵，而且份量啱啱好唔會好heavy, 的確不錯啊！