來到初夏, 天氣未算十分炎熱,
又有藍天白雲, 的確是跟小朋友
四出活動的好時機^0^
余媽媽都計劃帶余小b去農場和沙灘玩下!
而係今年的五。一假期,
余媽媽一家就去左親親大自然~
我地出席了「珮氏驅蚊爽
伴你歡樂遊農莊」的活動~
能夠共渡親子歡樂時光之餘又可以
一同享受美好的田園風光,
真的十分感謝PR姐姐的邀請!
雖然我地大清早就出發,
不過, 余小b係旅遊巴上小睡片刻後,
已經叉足電喇!
十點鐘左右, 我地已經到達
粉嶺打鼓嶺坪輋泥路「有心機農莊」了!
Yeah!
(好期待啊！)
其實今次係余小b首次參觀農莊,
我地一家都非常興奮~
嚟到農莊, 除左要搽定防晒外,
唔想俾蚊咬到豬頭咁, 就要做好防蚊措施喇~
真係要多謝PR姐姐預先送來了珮氏驅蚊爽防蚊包,
為余媽媽一家作好準備,
活動當日可以大派用場!
珮氏驅蚊爽系列係全球首創之安全驅蚊產品。
產品蘊含天然野生紅茄提取物
IBI-246
(Methyl-Nonyl Ketone)，
有效驅趕蚊蟲。
余媽媽好喜歡佢地嘅產品係純天然成份,
不含化學成份避蚊胺(DEET)，
唔會引起副作用或造成皮膚敏感,
一家大細都啱用!
加上係意大利製造,
大家亦可以用得安心~
不過因為余小b去程係車上瞓着左,
我地決定落車後才做防蚊準備,
免得係坐車途中係嘈醒熟睡了的余小b~
當我地步行入農莊時,
一向惹蚊嘅余媽媽覺得隻手有d痕痕地,
原來已經起左粒紅點!!!
其實余小b早一晚已經被衰蚊錫左面仔兩啖喇!
真係唔想余小b今日又再成為衰蚊嘅目標呀！
係時候要搵個位噴吓番蚊怕水了~
我地嘅驅蚊小法寶出場喇!
「珮氏驅蚊爽」防蚊噴霧~
直接噴係皮膚上, 之後我會用手搽勻佢~
感覺好快乾, 又唔笠身,
最buy佢無咩味,
唔會好似坊間部分蚊怕水咁大陣味。。。
因為噴完嗰d牌子，有鼻敏感的我實會打噴嚏！
去郊遊一定唔少得蚊帶和蚊貼!
我地收到嘅「珮氏驅蚊爽」防蚊手帶
和防蚊貼都係當紅嘅Frozen和米奇圖案~
大人細路見到都難以抗拒~
我和余小b的一起戴上親子防蚊手帶,
連余小b都話「靚靚」!
我地當日幫余小b貼左米奇蚊貼,
佢返到屋企沖涼時竟然連件衫都唔捨得除^0^傻豬!
「珮氏驅蚊爽」防蚊配飾~
佢除左係戶外地方啱用外,
掛係屋企房間內同樣可以達到防蚊效果~
於是, 我地一邊噴。噴。噴。搽。搽。搽,
一邊聽活動負責人為我地講解當天活動之安排。
接着, 就開始我地開心好玩嘅有機農莊一日遊喇!
首先, 導賞員帶我地參觀農莊裏面不同種類的植物~
原來呢度有好多唔同品種嘅有機蕃茄㗎！
真係大開眼界呀！
唔同顏色嘅蕃茄其實功效都各有不同~
好似野茄咁, 就可以驅蚊~
今次仲有機會見到呢種珍貴的黑色蕃茄,
一些高級食肆都會用佢嚟做食材㗎！
心心蕃茄好cute啊!
導賞員俾我地摘一粒試吓！
真係唔捨得食佢呀～
余小b卻老實不客氣, 即時享用!
我地途經小山羊嘅屋企,
於是余小b又同其他小朋友
一齊睇埋一份~ 真開心!
跟住我地去左摘有機粟米~
轉個身條粟米已經落係余小b手上,
佢仲食到津津有味添！
余媽媽都試左少少,
雖然粟米嘅顏色看來較淺,
但食落真係十分清甜爽口,
令我地一試傾心!
余小b真係識貨~
差不多到午飯時間喇!
導賞員為我地介紹蕃茄醬嘅製法~
之後, 我地仲可以動手整愛心蔬果沙律
同獨一無二的Pizza做午餐!
今日食嘅蔬果全部都係有機㗎！
所以就算係無煮過,
余媽媽都好放心俾余小b食!
一如余媽媽所料,
無菜不歡嘅余小b今日食到
停唔到口呀！Yummy!
親眼睇住自己嘅pizza放入炭爐烤至成品~
即烤即食, 的確非常有滿足感呀~
落左double份量的芝士, 味道超棒!
大會仲安排左佢地秘製嘅燒肉飯
和美味意粉俾我地~
再飲埋呢杯真材實料、無加入任何
調味嘅即製雜菜湯,
十分鮮甜可口, 我無言了~
食飽飽最好係郁動下!
於是, 我地去左壓製精美環保袋!
係樹葉圖案呀! 十分有特色!
余小b好落力幫手! 乖豬!
我地嘅製成品都唔錯吖！
離開前, 大會送左一些自家製有機蕃茄醬
和蕃茄種子俾我地帶回家,
十分感謝主辦單位的心意~
而且我地仲好似上完一堂
好充實嘅自然教育課,
知識也增進了不少~
十分期待下次再帶余小b嚟呢度玩呀！
炎夏將至,我地之後都會
隨身帶備「珮氏驅蚊爽」
一系列嘅產品出街,
衰蚊以後再無機會埋我地身㗎喇^^
「珮氏驅蚊爽」產品網址:
「珮氏驅蚊爽」Facebook專頁:
有心機農莊Facebook專頁:
沒有留言:
張貼留言