有關余媽媽:
~資深教育工作者為屋企打拼的在職媽媽Blogger

余媽媽的分享:
~愛四圍遊,四圍食,四圍玩
~愛分享: 親子育兒資訊、母嬰用品攻略、 有營食譜、美容護膚心得、美食及旅遊平。靚。正推介!!!

有關產品試用/出席活動/意見,歡迎與余媽媽聯絡:qsmartland@gmail.com

2015年6月8日 星期一

品嚐星馬主題Buffet♡享盡馬六甲風情@悅來酒店咖啡室

忙碌嘅5月算是捱過了! 來到5月尾,
終於可以抖一抖^^於是, 我們一家就趁機會到
悅來酒店咖啡室(Panda Cafe)大嘆buffet, 
盡情relax! 感謝PR姐姐的邀請~
Panda Cafe位於荃灣悅來酒店
於港鐵荃灣站步行十分鐘左右即達~
入到酒店範圍, 余小b已經俾佢地嘅
得意熊貓佈置吸引住喇!



到達餐廳坐底後, 胃食的余小b自動自覺準備開餐~
餐廳備有安全帶嘅High chair及兒童餐具, 安排妥善~

呢度由而家至6月底做梗星馬美食薈萃』, 
所以不乏一系列的星馬招牌菜~

仲有無限量星馬飲品和茶咖供應添~
「冬瓜露」係余媽媽的至愛, 味道清怡
既健康又消暑~

沙律都有六、七種俾大家選擇
仲加入左星馬口味, 真係花多眼亂呀!


其實余媽媽不嗜辣, 幸好, 呢度部分嘅
星馬的地道菜式加入了一些港式口味
讓平時唔太食得辣嘅余媽媽
當時天都可以開懷大吃~



熱葷包蘿萬有, 余媽媽挺喜歡呢度嘅
「新加坡辣子蟹」,香辣撲鼻肉質結實鮮甜~
仲有「星洲牛油蝦」,  蝦炸得很香脆
跟牛油咖啡葉花奶和蛋絲所製成的
醬汁一齊食用味道超夾~

巴東牛肉黑椒炒貴刁
椰漿飯」等,  味道也不俗~



食星洲菜怎能不試肉骨茶呢?

呢度嘅肉骨茶雖然同樣是混合了中藥和香料
但味道較易入口, 相信是廚師特意加入港式口味!
其實太濃烈的藥材味個人反而不太接受
所以余媽媽覺得呢度嘅肉骨茶幾啱我~
拌油條吃又是另一番滋味!

另外烤羊架燒雞翅都很惹味可以一試!

還有有常見的buffet必食之物  --- 
壽司 刺生 生蠔凍蝦長腳蟹青口等~

當天的生蠔非常新鮮, 很清甜爽口
refill又快, 我地都食左幾輪, 很推介啊!

刺生雖然未至於鮮味無比
但都無咩雪味可以食多轉!


呢款印度薄餅, 余小b食到停唔到口!

甜品時間到了, 可惜余媽媽實在太飽
所以主力試佢地嘅星馬甜品~



馬來樹餅
馬來椰糖糯米糕



呢款香蘭葉糯米糍, 幾香軟, 味道挺特別~


余媽媽非常喜歡呢款斑斕pancake
佢裡面係啖啖椰絲, 香噴噴的
而且整體不會太甜, 如果個肚仲有位
食多兩件都不厭!

余爸爸則愛上這個馬來刨冰, 配合各款配料
如: 紅豆涼粉亞答子大菜糕等
實在美味可口兼且透心涼
一向愛吃刨冰的余爸爸又怎會錯過呢?

雪糕有Dreyer's的多款口味提供
開心果味抹茶味和芒果味係我地必食的!
不過余小b最喜歡疊~

仲有小朋友大愛的朱古力噴泉~

生果都幾新鮮, 而且衛生程度不錯~

除了食物外, 余媽媽也很注重餐廳的服務質素
因為佢會直接影響客人的心情吧!


今次真係要讚吓呢度嘅職員好有禮貌
而且人手亦充足, 收碟和加水都很頻密
refill食物速度也很快
客人自然能夠食得更暢快啦~
貪玩嘅余小b更同呢度嘅職員打成一片
職員哥哥仲即場扭左個波波俾佢添!
雖然門口位置附近因工程而封左
但冷氣仍然好足夠~

到悅來酒店食buffet, 
相信小朋友就最開心喇~

因為呢度有個大大的playroom, 
啱晒小朋友嚟大玩特玩!

滑梯係好多小朋友嘅至愛
呢度就設3條唔同長度嘅滑梯
大小bb都可以玩, 而且仲大家唔洗爭添~

全房鋪晒地墊, 十分安全~

其實我地都係第一次去有playroom嘅酒店食buffet! 
食飽有得玩, 就唔洗怕余小b會坐唔定扭計啦
呢個設計真合余媽媽心意!

離開前, 收到酒店特意為我地準備嘅
美味甜品和公仔, 小熊貓真可愛
又成為余小b的新寵了!

整體來說, 呢度嘅食物富星馬特色
價錢合理, 父親節一家人嚟慶祝也是個不錯的選擇啊!

有關悅來酒店咖啡室「星馬美食薈萃自助晚餐」:
收費: 星期一至四: 成人: $418, 小童及長者: $318
                        星期五至日、公眾假期及公眾假期前夕
             $448 小童及長者: $348 (所有價目另加一服務費)
優惠:614日前憑VISA信用卡惠顧自助晚餐,可享7折優惠
地點:香港荃灣荃華街3號悅來酒店三樓
訂座︰2409 3218


以下是余媽媽余小bのFacebook啊~
余媽媽手記

My Blog Links:
有關產品試用/活動邀請,歡迎與余媽媽聯絡
Email: qsmartland@gmail.com
Facebook Fan Page: 余媽媽手記


沒有留言:

張貼留言