呢日約左朋友係元朗食lunch, 知道雞地附近開左間<牛極>,
有幾經濟嘅石燒牛, 啱晒我地兩個牛魔王啦！
一於去試試~
牛極門口設自助售票機, 好似日本啲拉麵店咁,
大家可以自行點餐和付款, 之後就到餐廳內嘅自助bar取湯,
飯, 沙律和醬汁, 自助bar內的食物都係無限添食的~
我地每人點左1款牛, 分別是牛肩和牛柳~
第一次食石燒牛, 好期待啊！
係石板上嘅牛只1成熟, 由客人自己繼續燒~
建議先把牛切成細細件, 然後慢慢燒,
咁就可以快啲熟得嚟, 肉質又嫩滑啲！
如果塊石凍左, 啲肉仲好生, 想再燒耐啲的話,
客人可以要求店員更換另一塊熱石~
要讚讚餐廳好貼心, 牛牛嚟嘅時候會用紙巾蓋住,
另外, 也備有即棄圍裙俾大家需要時使用,
咁就唔怕俾汁彈到件衫啦！
個人覺得牛柳比較軟和淋, 肉質香嫩多汁, 不錯啊！
而牛肩肉味都幾香濃, 因為有條筋嘅關係,
冇牛柳咁易切, 但味道都唔錯~
呢餐真係又經濟又夠飽, 而且味道唔錯啊！
以下是余媽媽&余小bのFacebook~
沒有留言:
張貼留言