開開心心任飲任飲牛氣放題

最近同朋友入開屯門，晚上順便去埋牛氣屯門店勁食放題～ 我地揀左 Level 4: 澳洲穀飼黑安格斯牛 + SRF 美國極黑牛放題 + 海鮮放題 ，食物豐富有質素，可以任飲任食90分鐘，開心開心火鍋放題，而且飲品都有好多選擇啊～ 惠顧Level 4或以上，今期仲有法式蒜香芝士焗生蠔可以無限追加，勁多蒜蓉好惹味，又滑又肥美，啱晒我地呢啲生蠔迷！

湯底總共有9款之多，我地揀左鴛鴦鍋，有蕃茄湯和黑蒜豚肉湯，湯底好香濃～

店員會先送上靚牛、一些海鮮和三文魚刺身俾我地享用，試完之後可以按喜好係手機點餐～

呢晚食左好多黑安格斯牛、美國極黑牛、牛小排和肩胛肉眼，肉質鮮嫩，非常美味，仲有豚肉和雞腿肉，同埋牛頸脊等，可以滿足不同人嘅口味～

任食海鮮都好吸引，包括有日本帆立貝、三文魚刺身、大海蝦、墨魚滑、爽脆水魷、花膠、青口等，都幾新鮮、冇雪味，上菜速度都好快～

仲可以到自助區取各款食材，包括：蔬菜瓜果類、中西和日式甜點和雪糕等～ 黑芝麻豆腐花幾好味，夠特別！

適逢做緊和洋祭，揀level 4嘅套餐會有把靚靚透明遮送，打卡upload埋去social media仲會送牛氣御守一個呀！呢晚真係滿載而歸啊～