有關余媽媽:
~資深教育工作者為屋企打拼的在職媽媽Blogger

余媽媽的分享:
~愛四圍遊,四圍食,四圍玩
~愛分享: 親子育兒資訊、母嬰用品攻略、 有營食譜、美容護膚心得、美食及旅遊平。靚。正推介!!!

有關產品試用/出席活動/意見,歡迎與余媽媽聯絡:qsmartland@gmail.com

2018年5月3日 星期四

色香味俱全的宮廷火鍋


火鍋食得多, 宮廷火鍋余媽媽都係第一次食

今次我和朋友到左滾得囍宮廷火鍋 (北角) 歎世界
真係有啲似入左去皇宮呀。。。

一踏入門口右手邊係一張金碧輝煌嘅龍椅
餐廳內的裝潢也很有中國風~


餐具上印有中國的傳統圖案。。。
就連鐵鍋都有隻龍雕, 很有氣派!


職員會先送上四小碟前菜~

調味料就放係小木箱內, 客人可自由調配喜歡的味道~

聖旨造嘅餐牌, 您見過未

想試呢款秦始皇鰵肚花膠雞湯底, 記得兩日前預訂呀!


我地揀左較為大眾化嘅崇德莞茜皮旦豆腐馬蹄鍋
湯底非常足料, 而且好快已經好出味
連平時唔食湯渣的我
今次都食左幾粒馬蹄, 爽爽!

呢度嘅食物很多元化, 而且份量十足
雖然我地2人只點了5樣食物和1渣飲品
但已經非常飽肚了!
當然, 味道更是有驚喜啦!


如果大家同我一樣喜歡海鮮的話
呢度嘅海鮮拼盤和美國桶蠔是必然之選



海鮮拼盤用料靚和新鮮不在話下
連鮑魚都有, 而且仲幾大隻
除此之外, 還有蝦, 聖子, 沙蜆, 青口
扇貝, 全部都係我嘅至愛

鮑魚很彈牙, 沙蜆和蝦很大隻同鮮甜~

美味桶蠔新鮮又飽滿, 非常大隻而且好爽滑!


手打丸方面, 我地選了宮廷拼盤
一次過可以試晒五款口味
包括: 香菇皮蛋豬肉丸,墨魚丸,芝心牛肉丸,
鯪魚球和菠菜豬肉丸~

手打丸入口真係特別爽口彈牙
而且食得出真材實料
當中牛肉丸是芝心丸
入口即有香濃的芝士溢出
芝士控絕不能錯過!

清酒鮮牛肉是個驚喜!

職員係我地面前把清酒灑進鮮牛肉上
隨即出現仙氣效果

鮮牛肉除左肉質香滑外, 肉味也特別香濃
灑上清酒後更惹味!

呢度嘅即炸響鈴炸得很通透
金黃色脆卜卜
入口特別香~

足料竹蔗茅根一渣, 清甜可口
清熱解喝, 食火鍋必備~

仲有雪耳糖水送
啲雪耳好滑呀!好養顏!

真係一分錢一分貨
俾多啲啲錢食到高質素和美味的火鍋
個人覺得好值得

如果您都是對食物好有要求
相信呢度會令您稱心滿意!

以下是余媽媽&余小bのFacebook~

余媽媽手記




My Blog Links:

有關產品試用/活動邀請,歡迎與余媽媽聯絡
Email: qsmartland@gmail.com


沒有留言:

張貼留言