有關余媽媽:
~資深教育工作者為屋企打拼的在職媽媽Blogger

余媽媽的分享:
~愛四圍遊,四圍食,四圍玩
~愛分享: 親子育兒資訊、母嬰用品攻略、 有營食譜、美容護膚心得、美食及旅遊平。靚。正推介!!!

有關產品試用/出席活動/意見,歡迎與余媽媽聯絡:qsmartland@gmail.com

2020年1月29日 星期三

元朗區搵食: 經濟實惠的石燒牛午餐


呢日約左朋友係元朗食lunch, 知道雞地附近開左間<牛極>, 
有幾經濟嘅石燒牛, 啱晒我地兩個牛魔王啦!
一於去試試~



牛極門口設自助售票機, 好似日本啲拉麵店咁
大家可以自行點餐和付款, 之後就到餐廳內嘅自助bar取湯
, 沙律和醬汁, 自助bar內的食物都係無限添食的~




我地每人點左1款牛, 分別是牛肩和牛柳~

第一次食石燒牛, 好期待啊!

係石板上嘅牛只1成熟, 由客人自己繼續燒~



建議先把牛切成細細件, 然後慢慢燒
咁就可以快啲熟得嚟, 肉質又嫩滑啲!

如果塊石凍左, 啲肉仲好生, 想再燒耐啲的話
客人可以要求店員更換另一塊熱石~

要讚讚餐廳好貼心, 牛牛嚟嘅時候會用紙巾蓋住
另外, 也備有即棄圍裙俾大家需要時使用
咁就唔怕俾汁彈到件衫啦!

個人覺得牛柳比較軟和淋, 肉質香嫩多汁, 不錯啊!

而牛肩肉味都幾香濃, 因為有條筋嘅關係
冇牛柳咁易切, 但味道都唔錯~

呢餐真係又經濟又夠飽, 而且味道唔錯啊!


沒有留言:

張貼留言