昨晚我地參加左我地會所搞嘅中秋晚會,
嗰度好熱鬧, 見到好多小朋友,
又有好多遊戲玩^O^
其實係呢個屋苑住左兩年多都係
第一次join佢地搞嘅中秋節活動,
因為今年有余小b相伴所以特別想帶佢去玩吓～
余小b見到周圍掛左咁多花燈, 覺得很新奇
開心到眼都唔眨, 仲不時四圍望。
晚會係八點開始,
我地一家食飽飯就一齊落去玩當散步。
余小b仲拎埋余媽媽送嘅兔仔燈籠落黎一齊賞月呢～
嘩! 原來有好多捧場客, 好熱鬧啊！
今晚有四大遊戲玩。。。
大家都好守秩序排隊,
做個好榜樣俾小朋友睇。
可以睇得出大人細路都玩得好投入,
好開心。
我地贏左呢d小禮物～
晚會除左設遊戲攤位,
仲有小丑哥哥扭汽球
好受小朋友歡迎~
余小b拎左把劍, 好威武呢～
在場亦有魔術表演^^
當然唔少得猜燈謎應吓節啦！
俾題大家估吓(謎底會係呢篇blog文末段公佈)~
臨尾係抽獎時段, 余媽媽竟然中獎,
好surprise, 因為自己向來無咩抽獎運,
所以中獎一刻真係好開心XD
其實呢個中秋晚會搞得唔錯,
我地都玩得好開心!
<<猜燈謎答案>>
揭開謎底先, 大家估到嗎？
揭開謎底先, 大家估到嗎？
答案係: 電視機
祝大家中秋節快樂!
沒有留言:
張貼留言