【旺角搵食】牛魔王要嚟朝聖啊

又嚟旺角食飯喇! 今次同Friend子到左旺角T.O.P的【柞木炭家】~

餐廳都幾大，我地2人被安排卡位，坐得舒服~

入座送左幾款韓式前菜，例如泡菜、芽菜、茄子等，全部都可以refill~ 

喜歡食茄子的我，呢款前菜encore左兩次呀！

我地都係牛魔王，所以當然要點番個【王道2人套餐】啦~ 都幾有睇頭、幾豪華㗎!

前菜係【大醬蘿蔔牛舌】，啲蘿蔔同牛舌都好夠淋~ 記得要趁要食喔！

跟住店員就會輪流上燒肉，仲主動幫我地燒埋，真係好好服務啊！套餐包左【雪下覓炙】四款牛部位(和牛牛胸腹肉、和牛牛板腱肉、韓牛牛肩肉、方切和牛) 配黑毛豬五花肉，見到個陣容都想尖叫!

幾種牛嘅部位都有濃郁嘅牛味，燒起嚟好juicy、好嫩滑，和牛油花比例均勻，入口會溶化啊！特別喜歡韓牛牛肩肉嘅超濃郁牛香~ 而黑毛豬五花肉都好香口同嫩滑~

套餐仲有我最鍾意嘅海鮮【紅蝦配大墨魚】，呢款紅蝦可以生食㗎，稍稍燒吓已經好好味，鮮甜爽滑~ 大墨魚好煙韌!

我地兩個都燒得好開心，差啲忘記左仲有個主食【海鮮豆腐湯】，有蝦和青口等，好足料，仲包1埋碗白飯~

跟著再戰【上等牛肋骨】，因為套餐加配差不多半價就食到，超級抵食！

雖然我地已經十成飽，但係見到呢份跟餐甜品又忍唔住口再起動! 今次真係要捧住個肚走呀！

最後, 要讚吓呢度抽風做得幾好，燒烤完都唔會周身油煙味呀~

 余媽媽手記

有關產品試用/活動邀請，歡迎與余媽媽聯絡

Email: qsmartland@gmail.com

Facebook Fan Page: https://www.facebook.com/yumamabb/

Instagram Follow Me: https://www.instagram.com/yumamabb/