好朋友係要見㗎～知道旺角新開左間高級日式餐廳 賞櫻，就在朗豪坊對面，地點好方便，身邊有朋友最近食過都讚不絕口，喜歡食日本菜的我呢晚約左皮媽一齊食佢地嘅Omakase～
日系裝修很美，我地仿如置身日本，真的地忍不住要瘋狂打卡喔!
餐廳用上日本空運高級食材，新鮮又高質，加上師傅閒閒地都有三、四十年經驗，能巧妙地做出多款日本地道菜式，部分菜色係坊間未必咁易食到～
晚市的Omakase有《櫻》、《檜》、《楓》、《梅》 四款可供選擇，我地今次揀左《櫻》套餐試吓先，套餐包括: 前菜、剌身三點、壽司七皿、湯、一品料理（兩款）和甜品 ，超豐富!
前菜黑魚子鮮蝦牛油果蒸蛋豆腐配柚子汁
造型好吸睛，味道十分清新，加上結合了多種食材，口感好豐富呀～
遇上優質和新鮮嘅食材，最佳食法當然係做刺身啦!
刺身三點令我超期待，有我大愛嘅北海道生蠔和活赤貝，生蠔好大隻，超級鮮甜又肥美～真的想多食幾隻～活赤貝激爽口和極鮮甜，師傅用巧妙嘅刀功切到好似朵花咁靚呀! 仲有好特別嘅山藥蓉容配刺身，我都係第一次食呢個整法，入口好香滑呀!
壽司七皿 款款都好喜歡，中拖羅入口即溶～油香四溢，和牛壽司面頭鋪上了金箔，很名貴啊!而且入口好滑好鮮味，完全唔腥又沒有渣，實屬高質出品～帶子壽司好鮮甜爽口，箱辣秋刀魚製法好特別，好好味。呢度就連用嚟伴碟嘅橋頭都同樣出色，紅酒橋頭微酸同甜甜地，好開胃呀!
日式蜆肉清湯配柚子和菓子
湯很清甜，加入了造型好可愛和微甜嘅柚子和菓子，呢個組合好特別呀～
一品料理
當中的鹽燒油甘魚鮫，色澤金黃，好香口，肉質嫩滑，蒸雞軟骨菜卷好juicy，面頭鋪上了鵪鶉蛋，同菜卷味道好夾，食落倍感香滑～
甜品又是另一個期待，培茶紅豆海棉蛋糕配抺茶mousse 帶香濃的搽茶香，加上水果和香軟的海棉蛋糕，真係食到停唔到口呀!
今餐真係舌尖上的一大享受，菜色應有盡有，從頭食到尾都做得很出色，美味到簡直不能再挑剔，加上師傅好細心，亦不時同我地有傾有講，令我地食得開懷又暢快，聽說lunch set價錢非常親民，大家也可來試試喔!
【賞櫻】
旺角砵蘭街240-244號文華商場(MPM)1樓C2號舖(港鐵旺角站 E1 出口, 步行約1分鐘)
沒有留言:
張貼留言