呢晚約左朋友飯聚,
今次嚟到鄰近油麻地MTR的隱世餐廳
<慢理牆城>食健康嘅晚餐~
呢度嘅環境好舒服, 樓底夠高, 食得舒適~
餐廳內用左大量綠色佈置,
還有很多可愛的小動物擺設,
令我地彷如置身在森林中~
餐廳仲有提供vip room, 想有更大私隱度可以book!
餐具很精緻, 尤其是金色的刀叉特顯華麗氣質~
呢餐我地想食健康啲, 於是點左啲沙律, 菇, 魚和薯條,
估唔到佢地除左非常有份量外, 味道亦很有驚喜~
先來<羽衣甘藍牛油果沙律配黑醋汁>, 羽衣甘藍可以防癌,
多食有益, 入口很清新, 再用整個牛油果砌成數份放面,
再加入黑醋汁做dressing, 非常健康!
牛油果係我大愛的水果,
當晚的牛油果剛剛熟,
不會太軟身, 我吃了很多很多!
我和朋友都喜歡食白肉, 呢個main course<百里香檸檬牛油焗鱸魚>
就最啱我地喇!
檸檬和牛油一齊焗, 非常惹味!
還有好香脆嘅炸薯條跟埋~
<黑松露薯蓉大啡菇>兩大隻剛好足夠我地2人食飽飽~
味道不會太濃, 不會搶走食物的味道~
本身諗住可能會唔夠飽, 所以一早點埋<美國甜蕃薯條>,
但原來係非常夠飽的。。。
不過我地最後都KO晒呢碟薯條啊！
而且甜甜地又脆口,
相信大人和小朋友相會鍾意!
雖然呢間餐廳叫<慢理牆城>, 但啲食物嚟得一啲都唔慢。。。
而且食物質素有驚喜,
兩人賣單連加一都只是$600, 已經食到好飽,
邊傾邊食好開心,
係朋友飯聚的好選擇!
沒有留言:
張貼留言