天氣凍凍地, 最啱去食韓燒和火鍋!
呢晚余媽媽就全家出動去天水圍食好西!
我地嚟到呢間位於天一商城的<韓圈>,
今次我地夠6位呀! 所以可以玩<雞煲火鍋>+<韓燒>兩食,
一次過滿足晒我地兩個願望,
仲要係放題式,
無限時任食, 真開心！
餐廳環境舒適, 位置大, 座位充足,
部分位置仲可以望到開揚街景~
食物款式也不少。。。
牛, 豬, 雞的不同部位
都可以食到, 仲有一些熱食, 韓式小食, 壽司, 中西甜品,
涼粉, 生果等。。。食物質素都不錯~
飲品也有幾款可以選擇, 亦有湯類供應~
如果用穩打穩紮嚟形容呢度嘅韓燒放題,
呢度嘅雞煲火鍋放題絕對稱得上有驚喜!!! 必試!
店員告訴我地煮雞煲的秘訣:
每次煮3分鐘, 再炒一炒, 來回做4次,
就可以享用了！
(每枱都會有計時器提供)
啲雞好滑好香嫩, 而且啲醬汁滲透晒入去雞肉裏面,
非常惹味呀！我地今次點左少辣, 味道啱啱好!
食完雞煲再轉火鍋, 又係另一種享受!
我地選了蕃茄薯仔海鮮湯底, 真材實料, 好鮮甜~
驚喜又到喇! 原來呢度食雞煲火鍋會送埋大大盤
又靚又新鮮嘅手切牛肉和黑豚肉。
肉質香嫩, 厚薄適中, 食火鍋啱晒~
仲有冰鎮涼瓜送(需1日前預訂),
涼瓜很清甜爽口, 無咩苦澀味, 大愛!
黑白墨魚滑也非常彈牙咬口!
還有三寶(豬皮, 牛栢葉, 尤魚), 餃子和各款蔬菜呢！
今餐真係大飽口福呀！
下次嚟都會再點雞煲, 因為真係回味無窮啊！
加上是無限時任食, 家庭/朋友飯聚就最適合不過!
以下是余媽媽&余小bのFacebook~
沒有留言:
張貼留言