余媽媽一向都好鍾意食火鍋放題和雞煲!
今次我地兩口子到訪
倫哥尊尚火鍋私房菜 (佐敦)
呢間甚有名氣嘅火鍋店, 可以一次過滿足晒
我地兩個願望, 而且食物皆屬高質,
真係令我地好稱心滿意呀!
呢間位於佐敦的倫哥尊尚火鍋私房菜,
地點方便, 餐廳環境寬敞, 裝修也新淨!
價位方面, 星期一至四晚上成人$338/位,
另有加一服務費, 就可以無限時任食雞煲+火鍋到深夜喇! 啱晒又喜歡食, 又想傾計傾耐啲嘅朋友!
再嚟原隻蠔皇扣鮑魚和龍蝦, 超級豐富,
很新鮮~ 鮑魚夠彈牙, 龍蝦也很鮮甜~
接著就是我們很期待的雞煲, 一大鍋奉上,
我們點了BB辣, 另有唔辣, 少中大辣可選~
店員幫我地先後炒3次就可以食喇!
每件雞都好滑和好入味~
之後再放埋雞煲三寶落去炒一陣, 又有好野食喇!
KO晒啲好惹味嘅雞煲後, 再食刺身拼盤:
三文魚刺身、特大蝦刺身和帶子等,
全部都好新鮮冇雪味! 帶子夠爽口,
蝦非常甜美!
到打邊爐喇。。。
我地點了蕃茄濃湯湯底, 個湯真的很惹野啊！
海鮮盤非常吸睛, 全部都係我地喜歡嘅海鮮,
帶子, 青口, 蟹, 聖子和蜆等都好新鮮乾淨,
沒有沙, 配上蕃茄濃湯湯底,
唔需要點調味料已經好入味!
手砌牛肉十分讚! 賣相靚不在話下, 而且仲
夠淋又有牛肉味!
蝦滑和墨魚滑都很彈牙!
餃子和丸類都是漲卜卜的, 餡料十足~
以上食品是按人數一次性提供的,
也有部份配料可以免費或付費追加~
由於本身已經跟左很多指定配料俾我們,
所以我們幾乎不用追加~ 最後,
我地只追加了炸魚皮, 響鈴和手砌黑豚肉~
現金賣單送椰汁燉燕窩, 很養顏呢！
呢餐真的很豐富, 很有水準, 性價比高,
又可以坐得耐, 我們一定會再嚟光顧啊！
倫哥尊尚火鍋私房菜 (佐敦)
地址: 佐敦佐敦道26號E2樓全層
沒有留言:
張貼留言