有關余媽媽:
~資深教育工作者為屋企打拼的在職媽媽Blogger

余媽媽的分享:
~愛四圍遊,四圍食,四圍玩
~愛分享: 親子育兒資訊、母嬰用品攻略、 有營食譜、美容護膚心得、美食及旅遊平。靚。正推介!!!

有關產品試用/出席活動/意見,歡迎與余媽媽聯絡:qsmartland@gmail.com

2019年8月5日 星期一

回味無窮, 物有所值@蠔灣TST店

自從上次去完蠔吧後, 余媽媽對嗰度嘅美食一直都念念不忘~ 睇嚟食生蠔真係會上癮㗎!哈哈!
呢晚同老公係尖沙咀行街路經<蠔灣>尖沙咀分店, 諗都唔洗諗即刻入去試!



好彩時間尚早, 我地唔洗等位~ 雖然係平日晚上, 過左一陣已經坐滿一大半人喇! 餐廳地方都算大, 設計有格調, 環境舒適, 枱與枱之間都幾鬆動, 有一定的私隱度, 好啱情侶或三五知己聚會~

嚟得蠔吧就梗係要食生蠔啦!我地點左幾款生蠔再配其他海鮮, 見到已經好興奮!



南非蠔, Majestic, Gillardeau係我地嘅至愛, 每隻蠔開出嚟都好juicy, 好新鮮, 而且好有海水味~ 佢地都係偏向爽甜那種, 絕對係我杯茶! 由淡味到濃味慢慢歎。。。



店員仲好好, 教我地用簡單方法, 輕鬆食到蠔殼淨番嗰粒肉 (原來真係好簡單㗎!之前都唔知...白白浪費左好多, 哈哈!)

活海膽也是必點! 非常鮮甜幼滑, 入口即溶~ 赤貝和帶子很爽口, 蝦也很爽甜!



<鵝肝多士>係呢晚另一焦點, 實在太好味! 煎到金黃色啱啱好, 唔會過熟, 外脆內軟很香口呢!配上多士一齊食, 油膩感盡消~

<黑松露炒蛋>唔油膩, 是健康之選, 而且有非常香濃的黑松露菌香, 頓時把滑蛋提升到另一層次~

<大蝦意大利飯>個汁甜甜地很惹味, 顏色和賣相都好靚, 好有心思~ 入面有很多蝦肉, 非常足料!


呢餐真係回味無窮呀!下次同朋友食蠔一齊會揀番<蠔灣>, 因為真係物有所值!
以下是余媽媽&余小bのFacebook~

 https://www.facebook.com/pages/%E4%BD%99%E5%AA%BD%E5%AA%BD%E6%89%8B%E8%A8%98/887744237908167




My Blog Links:


有關產品試用/活動邀請,歡迎與余媽媽聯絡
Email: qsmartland@gmail.com
Instagram Follow Me: https://www.instagram.com/yumamabb//

沒有留言:

張貼留言