吃貨又出動! 余媽媽一家再次到訪一間
我地好喜歡嘅酒店食lunch buffet。。。
大家估到嗎？無錯!
就係<灣仔諾富特世紀酒店Le Café咖啡廳>喇!
因為呢度除左有余媽媽大愛嘅即開生蠔和海鮮外,
今年暑假嘅lunch
buffet更同場加映魔術表演和扭波波, 令大家都好驚喜,
深得小朋友歡心!
趁小朋友睇緊magic show,
大人又可以食餐安落茶飯,
簡直係win win呀！
呢度嘅lunch buffet 成人每位$328,
Like埋酒店facebook可享85折優惠及每兩位成人可免費攜同一名1
未睇表演之前, 同大家分享吓美食先啦!
生蠔控一嚟即刻出洞, 即開生蠔供應源源不絕,
都幾爽口和重海水味~
食一兩打話咁易!
刺身也有多款選擇, 三文魚和螺片等都好新鮮~
冷盤海鮮如: 青口, 熟蝦, 翡翠螺等都好受歡迎,
職員要經常refill啊！
沙律, 芝士, 麪包, 醃肉類等應有盡有~
嗜辣嘅朋友可以試吓川味小食,
酸酸辣辣好開胃!
薄切燒牛肉不錯, 肉質鮮嫩~
還有粉麪供應, 可自行選配滷味~
無限量供應橙汁和檸茶~
呢度甜品選擇都幾多, 好精緻, 好多款都想試呀!
呢個賣相似盆栽, 原來係木槺布甸嚟㗎！
唔會太甜, 好好味!
仲有小朋友大愛嘅朱古力噴泉和糖果,
余小b也趁buffet
time瘋狂食!
因為平時我地係絕少俾糖果同朱古力佢食的!
當然唔少得任食Movenpick雪糕啦！
小朋友好快飽, 一點左右就開始魔術表演喇!
有magic
show睇,
小朋友紛紛入房自動波搵個靚位睇表演,
非常有秩序~
魔術師哥哥好識搞氣氛,
氹到班小朋友嘻哈大笑~
變完魔術仲有扭波波環節, 人人有份,
永不落空~ 個個小貴賓攞完波波都好開心呢！
睇完表演又肚餓, 可以最後衝刺再round!
呢餐buffet都幾超值, 而且有得玩有得食,
大滿足, 可以再encore!
沒有留言:
張貼留言