※齊來過一個有意義的聖誕@挪亞方舟聖誕奇趣嘉年華「保衛地球大作戰」※

未聖誕先興奮! 皆因余媽媽一家12月頭已四出玩樂喇!

早前我地到挪亞方舟聖誕奇趣嘉年華

展開「保衛地球大作戰」~ 

余小b當日仲化身為地球戰士, 過五關斬六將, 

守護住地球呢一片樂土~

當日我地係旺角新世紀廣場乘Shuttle bus入園~ 

一落車已經認識左新朋友, 感情仲突飛猛進！

入園後, 小朋友可憑手上的“任務手冊”

完成6大環保任務, 集齊不同保護動物徽章的蓋印, 

就可以升由地球戰士升級成為

“挪亞五星拯救戰隊隊長”。。。

每本“任務手冊”均送贈6張價值$10的遊戲劵, 

大家可以大玩特玩了！

仲有得睇動物，雖然佢地只係模型, 

但余小b都睇得好開心呢！

好啦…係時候挑戰6大環保主題任務

 (每個攤位遊戲需使用遊戲券2張)!   

余小b首先進行海洋任務, 做個海洋保衛特工~

由於人類的過度捕撈,  令幼魚未有機會成長就被扼殺,  

導致海洋生態失衡~  大家齊來保衛幼魚,  

係30秒內用魚竿釣起指定數量及顏色的大魚即可獲獎~ 

跟著去做海龜拯救隊~

海龜性別由孵化溫度控制,

  但全球暖化導致沙灘溫度上升, 導致海龜性別失衡~ 

 將指定數量的「海龜蛋」滾進代表指定溫度的

顏色格子中即可守護海龜~  

接著化身為極地探險家, 拯救北極熊~

全球暖化致使北極冰塊極速融化，

令北極熊失去覓食之地而瀕臨絕種~

將北極熊公仔放上發降射台彈出, 

成功令北極熊公仔降落並停留在冰塊上即可拯救佢地~

森林守護者~

過度的森林砍伐會令各種雨林動物流離失所, 

甚至危及生命, 余小b今次就幫手守護動物的棲息之所~

將膠圈成功投擲進有雨林動物的樹上，

並且通過樹的四方底座就成功了!

等我都幫吓余小b手先! 中左呀！Yeah!

得到好可愛的河馬仔一隻, 

余小b開心到攬到實一實!

Goldfish 呈獻: 地球彩虹戰隊~

向象牙、魚翅、皮草等動物副產品SAY  NO!!!  

拋中彩虹色帶或Goldfish圖案內不踩界，即可獲獎~

人類各種破壞大自然生態的行為其實都會

嚴重影響住候鳥的遷徙路線, 

我地透過“飛天救兵”呢個遊戲學習拯救候鳥~

玩左咁耐, 去餐廳補充能量先~

兒童餐真係大份夾抵食, 

仲有無敵大海景相伴, 

真睇睇余小b食得幾滋味!

食飽飽一於去參加各類創意環保手工坊啦！

當日我地利用廢物製作不同的小手工, 

小朋友都好enjoy整個製作過程呀～

百變紙筒手作坊~

CD時鐘工作坊~

膠樽雪人錢罌教室~

迷你暖包DIY~

玩完一輪tea一tea先^^

為配合聖誕, 呢期有鴛鴦特飲供應,  

包括薄荷朱古力、阿華田朱古力、

好立克朱古力三款口味適合不同小朋友的喜好~ 

用綿花糖砌成的聖誕雪人好CUTE呀!

我地仲到左「未來方舟影院」睇左場

富教育意味的電影, 一齊了解地球先生的

病情同看看有何治病良方~

不知不覺已經係挪亞方舟玩左成日喇! 

今日嘅活動真係好有教育意義呀！

並非普通攤位遊戲咁簡單~ 

有得玩之餘又學到不同保護環境生態的知識, 

好有意思呢！ 

而且好開心余小b可以挑戰成功, 

成為挪亞五星拯救戰隊隊長~

活動由即日至1月2日, 逢星期六、日及公眾假期舉行~ 

大家不妨去挪亞方舟過一個有意義嘅聖誕啦!

挪亞方舟「保衛地球大作戰」

活動日期:	2016年12月10日至2017年1月2日 (逢星期六、日及公眾假期) 部份活動於指定日子舉行~
時間:	上午10時至下午6時
地點:	香港新界馬灣珀欣路33號
查詢電話:	3411 8888
網站:	http://www.noahsark.com.hk
入場費:	入場費成人HK$168；小童及長者HK$138

多謝收看!

以下是余媽媽と余小bのFacebook~

余媽媽手記

My Blog Links:

Blogspot

MyBB

Supermami

WeShare

She.com

the Ztyle

SeeWide

Open Rice

有關產品試用/活動邀請，歡迎與余媽媽聯絡

Email: qsmartland@gmail.com

Facebook Fan Page: https://www.facebook.com/yumamabb/
Instagram Follow Me: https://www.instagram.com/yumamabb/