粥粉麪飯食到悶悶地,
今晚轉吓口味, 同朋友嚟食burger!
Urban United Burger & Bar 位於元朗區
美食集中地 又新街~
餐廳的裝潢充滿美國風,
加上播放着流行音樂,
好適合年青一族或三五知己來聚聚~
呢度坐位唔算多,
到左食飯時間可能需要等位,
有需要可以訂定位~
最吸引我的, 係呢度嘅burger,
個個都好足料又好味!
絕對唔係我地平時係
連鎖快餐店食開嗰種~
我和朋友每人各點了一個Combo套餐,
加12就可以配指定小食,
於是我地每人加$12選了
炸洋蔥圈和原味雞翼~ 好抵呀！
必點炸洋蔥圈, 入口好脆,
唔會乾身, 洋蔥味香濃~
飲品我就選了加$23的玫瑰梳打,
淡粉紅令我諗起pink
lady!
味道青怡, 好啱女仔飲~
朋友杯藍橙梳打顏色好sharp好靚啊！
到主角出場! 大大份的burger,
上碟設計有心思,
賣相吸引~
我好喜歡我呢個 華盛頓總統堡($88),
塊parma ham整到好似朵玫瑰花咁,
靚到唔捨得食!
厚厚的牛肉, 牛香濃郁又多汁~
配以一些蔬菜, 如紅毛菜, 洋蔥等,
以及獨特的麽沙里拿芝士和黑松露醬,
入口層次豐富, 是味覺的一大享受!
朋友的紐約雙層8安士牛堡($118)
比我嗰個更有份量,
皆因佢係雙層牛堡,
好牛的朋友不要錯過!
配料有少少唔同,
佢係加左羅馬菜和酸青瓜,
所以有啲酸酸甜甜,
夏天食特別開胃!
仲有其他款式的burger供應,
梗有一款啱你口味~
本身以為呢度會唔夠食,
但原來都真係夠飽㗎喎！
而且仲幾好味!
賣單盛惠total
$300,
食到大大份又有質素嘅burger,
仲有小食和飲品, 價錢都幾合理~
下次一於再嚟試吓其他口味先~
沒有留言:
張貼留言