片皮鴨對余媽媽而言簡直係人間美食呀!
朋友係尖沙咀上班, 知道尖沙咀古琴雅苑 做緊上班一簇優惠, 仲可以品嚐正宗片皮鴨, 於是早前相約一齊食lunch, 估唔到佢地嘅片皮鴨真係有驚喜喎!
平日午市時段嚟尖沙咀店點菜前出示自己嘅尖沙咀上班員工證/名片, 點<尖沙咀上班一族尊享午市套餐>都只係$240咋! (人多可以點其他優惠套餐)
呢個套餐已包括3款菜色, 兩位茶錢及加一服務費, 呢個價位竟然仲可以係尖沙咀區食到正宗片皮鴨, 而且份量十足, 真係超級抵食呀!
其實淨係烤北京填鴨半隻已經差不多回本, 余媽媽今次也是為左嚟食片皮鴨的!
因為呢度嘅北京烤鴨很正宗, 師傅早年師承北京百年傳統北京填鴨老店「全聚德」, 選用北京約4斤重的北京鴨, 以傳統掛爐的形式烤製, 配上自家製餅皮、青瓜、京蔥、哈蜜瓜等配料, 並提供京醬及秘製蜂蜜黃梅醬, 平時係出面食, 很少有齊咁多款醬~
必食「一口酥」, 其實佢係鴨胸皮嚟, 很妗貴, 皮脆肉少, 鬆脆可口, 又不油膩, 蘸沙糖食特別美味~
之後嘅<農家炆豆腐>和<金腿濃湯津白>健康清怡, 很有農村風味~
餐廳好貼心, 除左提供BB椅俾小朋友外, 仲有健康兒童餐啊(原價$68), 而且4歲或以下小朋友, 只需於餐廳參與填色遊戲, 即可享用免費享用, BB福利~
兒童餐都好豐富, 有醬爆肉絲伴荷葉包、上湯浸小棠菜、杞子桂花糕及冬瓜薏米水, 賣相靚得嚟又可以食得健康, 連我都覺得幾好味喔! 小朋友實鍾意啦!
呢度仲提供韓國優質顏色筆俾小朋友玩填色, 等家長就可以食餐安樂茶飯~
食埋甜品就圓滿了~我地點左<腰果露>$29 和<羅漢凍>$38~
腰果露很幼滑香濃, 喜歡食凍野可以試試羅漢凍, 羅漢果味好出, 好似食啫喱咁, 相信大人小朋友都會鍾意~
古琴雅苑 (尖沙咀店):
▶尖沙咀北京道12A號太子集團中心15樓
▶營業時間：星期一至日 12:00 - 15:00；18:00 - 23:00
沒有留言:
張貼留言