嚟到澳門可以透透氣鬆一鬆, 今次行程好輕鬆~
呢日余媽媽一家到左<南灣湖>踏水上單車,
其實余小b想嚟玩好耐, 可惜上年嗰次未夠稱
所以唔玩得住 (要5歲以上啊！) 今次終於得償所願,
未出發先興奮! Yeah!
我地首先到售票處買票,
2人天鵝船MOP$20/半小時,
4人小黃船MOP$40/半小時, 都係非常抵玩,
大家記得要準備定葡幣呀!
我地坐嘅係4人小黃船,
到了小碼頭穿好救生衣就可以依職員指示登船喇!
也提提各位小朋友要注意水上安全~
Yo! 出發囉~~~
呢度可以遠眺澳門旅遊塔和沿岸嘅風景, 風光很美!
雖然外面正下着大雨, 天黑黑, 但也無損我地划船仔嘅雅興!
係湖上有微風吹過, 好舒服呢！
所以佢非常落力, 而且操作簡單, 佢好快已經掌握到,
可以由頭划到尾, 媽我一於唔同佢爭, 力都慳番！哈哈！
划完船仔可以到附近嘅文創商店和藝術展館逛逛,
做吓偽文青, 也有餐廳可以hea一個下午, 非常relax~
整體來說, 南灣湖係個抗通脹, 平靚正的好去處,
好啱親子和情侶呢, 下次可以encore!
<南灣湖水上單車>
地址：澳門南灣湖景大馬路南灣‧雅文湖畔
營業時間：1100-1800(最後入場1730) 年終無休
收費：雙人水上單車MOP20/30分鐘；
備註：必需年滿5歲(可以準備定證件以防萬一),
5-12歲小童須由成人陪同
沒有留言:
張貼留言