每月都有好多開心事想慶祝一番!
早前就到我地的紀念日,
於是又乘機同余爸爸食好西!
今次選了荃灣區一間有質素的餐廳Catee,
聽個名就會聯想到貓!
店內亦有一些可愛的貓貓掛畫,
原來呢度係貓嘅廚房, 魚菜色頗具名氣的!
餐廳裝修有情調, 係柔和的燈光下,
好啱三五知己或情侶嚟撐枱腳!
每碟食物可謂色香味俱全, 見到已經垂涎!
Main course加50蚊就可以轉套餐,
附有沙律, 湯, 飲品, 甜品,
個人認為呢50蚊好抵俾,
因為真係好有份量!
沙律有特色, 而且非常有口感!
餐包是暖暖的, 還有幾款口味!
餐湯很足料, 美味可口!
我地點左炸洋蔥圈伴他他汁,
洋蔥圈入口香脆,
炸粉不多不少,
份量剛好, 還能食到裏面清甜的洋蔥,
伴他他汁更覺開胃^^
到主菜出場, 上碟同樣是一絲不苟,
想食度爆燈~~~
德國脆皮豬手伴蜜糖芥末及德國酸菜,
賣相非常吸引, 可以原隻上,
亦可叫廚師幫手砌開。。。
配埋呢把刀, 真係好有德國風味!
個皮真的很香脆, 入口juicy,
完全唔會乾身! 豬手肥瘦適中,
多吃也不會膩! 配埋蜜糖芥末醬,
甜甜地辣辣地唔錯~
香煎龍躉魚柳伴香蒜牛油汁非常有驚喜!
平時中式的煮法就食得多,
呢種西式煮法都係第1次^^
原本都好鮮味, 香煎更覺惹味!
我覺得唔需要點牛油汁都已經好夠味!
甜品是藍莓慕絲蛋糕~
飲品我地選了熱朱古力和Latte,
朱古力味香濃, 好啱而家冬天!
而Latte就加左cream做topping,
個人都幾鐘意呢種飲法!
我地原本仲擔心唔夠食,
原來呢度嘅食物份量一啲都唔少,
食物有質素而且價錢合理,
唔係貴夾唔飽那種, 加上服務也不錯,
店員會主動嚟加水和幫手轉細碟,
所以呢餐飯余媽媽都幾滿意,
下次都打算再嚟！
沒有留言:
張貼留言