每次食親放題都好開心, 因為可以任飲任食自己鍾意嘅野!
呢排大家都好大壓力, 係時候放縱一下喇!
於是同friend子近近地到左荃灣<滿屋>食放題~
呢度嘅放題質素不錯, 之前係第二度都有食過
同一集團嘅放題~ 二百幾蚊一位就有交易!
飲品, salad, 生果, 小食和甜品都係自助的,
款式多且供應充足, 還有凍蝦, 青口和螺可以任食啊！
太開心!
刺身種類繁多而且好新鮮, 我勁鍾意食帶子,
蝦和三文魚, 點左好多轉~
壽司亦有很多選擇, 唔會太大件, 可以試多啲款,
真係食得好滋味呀~
辣酒煮蜆很惹味, 鹽燒牛舌和烤羊架也烤得很嫩滑多汁!
燒有燒菠蘿很清甜, 串燒都燒得剛剛好, 唔會乾身~
貓山榴槤炸彈實在令我一再回味,
因為裏面嘅榴槤實在太豐富甜美,
外層炸粉唔多, 口感不錯~
美中不足嘅係當晚嘅<咖啡炒蟹>已經賣晒,
所以今次食唔到, 期待下次再嚟食過啦~
臨走前, 食埋1人1杯Haagen Dazs雪糕和任食雪米糍,
非常滿足的一餐!
沒有留言:
張貼留言