元朗的西班牙菜

呢晚我地試新野，去左 La Postre 食西班牙菜，佢個menu一次過可以滿足晒海鮮控、肉食控、甜品控願望，所以絕對吸引我~

  餐廳嘅裝潢很有異國風情，而且很有格調~
  

店員推薦我地抵食嘅2人dinner set，包括: 餐湯、沙律、兩個主菜和兩杯飲品 (我地每人加左$15轉特飲)~

【溫泉蛋黑毛豬火腿卡邦尼意粉】加入左溫泉蛋嘅意粉特別香滑，配以咸香嘅黑毛豬火腿，味道好夾~

必點【低溫慢煮牛柳伴扒大蝦】牛柳用慢煮方式炮製，肉質香嫩，還能充分鎖住肉汁，入口juicy, 大蝦好大隻、好爽口，啖啖肉~ 伴碟嘅薯蓉夠晒幼滑~

特飲是【仲夏水果茶】和【荔枝摩希托】，想清枱健康可以揀前者，喜歡較sweetie的感覺就揀後者吧！兩款都有滿滿嘅果肉，真材實料~

呢度嘅甜品都有幾多選擇，一定唔會讓甜品控失望呢！我地就點左呢度大受歡迎嘅【Queen Waffle 】和 【玉桂蘋果卷】~ Queen Waffle 真的非常吸睛，大皇冠造型窩夫配上色彩繽紛生果，入口好香脆美味，而且份量超級多，可以一起分享~ 玉桂蘋果卷內的蘋果很清甜爽口，散發着玉桂飄風~

很豐富的異國風情晚餐，下次要再來試埋其他甜品和海鮮啊～