早排去完北海道, 好懷念當地的居酒屋,
串燒非常美味, 番到嚟香港心癮起, 又想食串燒,
於是今次同朋友到左位於尖沙咀肚餓了
串燒烤焗專門店 Hungry Bird 回味一番!
邊食邊吹水!
呢間新派串燒店Hungry Bird提供各式各樣的串燒和菜式,
啱晒放工後約埋三五知己嚟吹吓水同飲番兩杯~
餐廳佈置有風格, 座位唔算多,
晚市嚟食最多訂定枱呀~
呢度食物種類都幾多樣化, 包括海鮮,
肉類, 菜類和米飯等...酒精類和非酒精類飲品都有供應~
我地點左勁多款串燒呀！
餐桌上放左3款常見的調味料~
鹽燒牛舌好juicy好爽! 可能係我食過最好食嘅牛舌,
十個讚!!! 必試!
鰻魚原條上, 都幾原汁原味!
有我至愛嘅燒廣島蠔和燒扇貝拼盤, 每碟各6隻~
拼盤內含6種風味, 包括: 蒜蓉, 蒜香勁辣,
蜜糖, 黑松露, 芝士, 自家製黃金醬~
燒扇貝清甜多膏, 蜜糖扇貝, 有微微蜜糖香!
自家製黃金醬的口味很特別, 是粟米蟹柳沙律,
甜甜地好好味!
廣島蠔質素亦不錯, 尤其喜歡黑松露口味,
味道香濃!
金黃醬虎蝦, 都幾大隻㗎！
而且新鮮彈牙又多肉, 配上黃金醬十分惹味!
火辣牛丸勁麻辣, 食到我舌頭都麻痹晒!
睇吓大家敢唔敢挑戰喇!
我地仲叫左羊仔柳, 西班牙黑毛豬件和泰式生蝦,
呢餐唔洗叫飯都已經飽左9成!
最開心嘅係食完又冇咩熱氣嘅情況出現,
個個星期嚟食都唔怕啦！呵呵！
以下是余媽媽&余小bのFacebook~
沒有留言:
張貼留言