天寒地凍, 最啱食火鍋!
今次余媽媽到左銅鑼灣嘅101 Grill bar + hotpot
食番個富台灣風味的手工涮涮鍋先!
餐廳裝修有格調, 加上無限時任飲任食(包括酒類),
絕對啱情侶/三五知己嚟談天說地!
每位$398係套餐價, 另加每位$15醬料費,
可再散叫其他配料,
大部分都係不另外收費和無限量追加~
先來前菜兩小碟,
當中有我喜歡的秘製麻辣木耳和麻辣麻醬手工手撕雞,
食完唔夠喉可以無限追加~
湯底係火鍋嘅靈魂, 呢度有超多選擇,
大部分湯底都不需加錢
我地想試新野所以加左$
加拿大野生雪場蟹腳海鮮鍋!
海鮮鍋真係真材實料㗎！個湯底好鮮甜! 大愛!
套餐可點手切安格斯Prime Grade 牛頸脊肥牛片~
色澤均勻,
肉質嫩滑!
台式火鍋真係別有一番風味!
食物同平時食開嘅中式火鍋大有不同!
101特選手工火鍋拼盤有多款丸類,
肉質爽滑彈牙, 大愛霜降牛丸, 黑松露蟹肉餃,
另, 三重芝士鮮製墨魚丸呢個配搭好特別,
芝士味很香濃, 啱晒我呢啲芝士控!
再來台灣夜市火鍋拼盤, 係非常有特色的火鍋配料。。。
滷水野余媽媽一向好鍾意, 要讚豬耳好爽口,
牛肚好入味!
手工即炸響鈴卷拼手工即炸魚皮真係誠意之作!
尤其是個響鈴卷, 真係非常香脆冇油益味!
因為已經飽飽地, 所以最後只是單點了台灣沙茶滑牛片,
黑椒台灣腸, 翠玉龍珠和紫薯水昌包。。。
紫薯水晶包有驚喜, 甜味適中, 很美味的甜品!
所有飲品也是任飲和無限追加。。。
我地來一杯熱水蜜桃水果茶和盆栽特濃朱古力珍珠。。。
真係有啲似盆栽啊！
粒粒珍珠好煙韌, 朱古力味十分香濃幼滑!
最難得係連酒精類飲品都可以無限任飲!
真係一分錢一分貨,
呢度嘅食物無論款式還是味道都令我地好滿意!
如果你係想食有質素嘅火鍋,
對環境有要求和喜歡飲番兩杯,
呢度絕對係個不錯的選擇!
以下是余媽媽&余小bのFacebook~
沒有留言:
張貼留言