天寒地凍, 最啱食火鍋!
今次余媽媽到左銅鑼灣嘅101 Grill bar + hotpot
食番個富台灣風味的手工涮涮鍋先!
餐廳裝修有格調, 加上無限時任飲任食(包括酒類),
絕對啱情侶/三五知己嚟談天說地!
每位$398係套餐價, 另加每位$15醬料費,
可再散叫其他配料,
大部分都係不另外收費和無限量追加~
先來前菜兩小碟,
當中有我喜歡的秘製麻辣木耳和麻辣麻醬手工手撕雞,
食完唔夠喉可以無限追加~
湯底係火鍋嘅靈魂, 呢度有超多選擇,
大部分湯底都不需加錢
我地想試新野所以加左$
加拿大野生雪場蟹腳海鮮鍋!
海鮮鍋真係真材實料㗎！個湯底好鮮甜! 大愛!
