旺角區搵食: 抵食的3小時海鮮火鍋+雞煲放題

之前嚟過 <新南苑> 食 <牛魔王餐雞煲火鍋放題>，覺得整體環境和食物質素都唔錯呀，兩食嚟講算係幾抵食，臨走前仲見到隔離枱食緊海鮮套餐，好吸引呀！所以今次海鮮控的我又相約friend子嚟試吓喇~

職員安排左卡位俾我地，好闊落~ 海鮮套餐+雞煲放題可以食足180分鐘，超興奮啊！

飲品和一些小食、蔬菜等都可以到自助區自取~

首先食雞煲，由唔辣到唔同辣度都有，我地揀左BB辣，啲雞每隔2分鐘炒一次，共炒3次，最後加入油炸鬼就食得，啲雞又香又滑又惹味，油炸鬼索左啲汁準勁好味，食完一轉可以叫職員再添第二round, 食到夠就可以直接轉火鍋了~

初嚐全港首創嘅台灣藥膳養生火鍋放題

火鍋我地食得多，今次lunch到左元朗YOHO【馬祖台灣養生湯麵館】食佢地全港首創嘅台灣藥膳養生火鍋放題～

荃灣又一高質火鍋

出街食飯唔知食咩好? 一於去打邊爐啦！呢晚同friend子到左 【極品靚鍋-荃灣店】食火鍋~

 

餐廳好大，而且有超多卡位，坐得好舒服~

 

打邊爐最緊要係個湯底，雙拼湯底我地揀左冬陰公湯底和豆乳骨膠完靚雞美顏鍋，前者好有正宗泰式feel, 後者好養顏，仲有啖湯飲，正呀！

 

久違了的台灣滋味

好掛住台灣嘅美食，唔知幾時先有得去旅行~  遊台必食嘅<洪瑞珍>三文治終於登陸香港喇! 余媽媽做野經過，興奮到要即刻打包佢地番屋企，一解我地相思之苦~

4款人氣口味率先登場，每件廿蚊左右，每日限量發售~~

-招牌火腿

-芒果起司

-原味起司

-滿漢（火腿+起司）

《洪瑞珍》嘅出品加入左忌廉同沙律醬，所以口感得特別豐富，而且又香又鬆軟余小b最愛芒果口味，鮮甜味美，好fresh~ 而我就比較鍾情滿漢口味，火腿起司兩種味好夾呀!真係會食到停唔到口㗎!

元朗區放題好選擇@極尚大瀛喜日本料理

呢日早放工所以專登番嚟元朗Yoho Mall

食呢間好受歡迎嘅極尚大瀛喜日本料理食放題! 

真係估唔到平日5.30pm餐廳入面已經人山人海, 

full booking! 好彩余媽媽我醒目, book定位~

牛氣沖天@616麥子

自從上次食完616麥子 - 牛肉火鍋後, 

再三回味佢地嘅新鮮牛肉口感, 

於是今次再相約友人到尖沙咀shopping後, 

再到616麥子補充能量!

616尖沙咀店係The Hart 1樓, 

大家可以搭lift或者行1層樓梯直達~

餐廳內非常光猛, 地方寬敞~

當晚電視還直播緊世界盃, 

大家都睇得好投入, 好有氣氛!

醬料($10/位)和水都是自助的, 

有多款醬料供選擇!

經濟實惠又正宗的印度素食@Sangeetha Vegetarian

朋友飯局想試新野, 

一於試吓比較少食的印度素菜啦！

識食一定會落尖沙咀, 

因為嗰度有好多正宗的印度菜。。。

今次我地仲搵到呢間全素的Sangeetha Vegetarian, 

佢係連鎖餐廳, 係全球已經擁有45家分店喇!

呢度啲素菜非常多元化, 反正好多款菜色都未食過, 

我地隨意點了幾款來試試~

必點芒果奶昔, 非常香濃的mango味, 

入口好fresh好幼滑, 好清甜可口! 

夏天消暑一流!

元朗區搵食: 貼心的牛肉火鍋店

余媽媽好鍾意食牛, 今次一於同朋友去

616歎番餐牛肉火鍋!

餐廳環境整潔, 設有自助bar自取醬油~ 

(盛惠每位10元醬油費)

牛。牛。牛! 全部都係牛! 呢度嘅主打係牛, 

所以有好多之前從未聽過嘅牛部位都可以係度食到~ 

諗起就興奮!

一家大細食好西@和牛。蠔饌。海鮮自助晚餐-九龍諾富特酒店The Square

食野係余媽媽一家的一大嗜好！

早前趁假期, 我地一家又出動喇! 

今次到左位於佐敦的

香港九龍諾富特酒店 The Square享用自助晚餐, 

余小b最開心, 因為可以瘋狂食雪糕和Jelly同飲汁汁! 哈哈！

主題做梗<和牛。蠔饌。海鮮自助晚餐>, 

啱晒我地口味! 如果大家也愛食肉和海鮮, 

今次就有口福喇!

餐廳寬敞, 環境舒適~

一入門口已經見到右手邊嘅長枱放滿了

色彩繽紛的甜品, 好吸引呀！

甜品留番最後, 而家食左其他好野先!

尖沙咀區尋寶: 以親民價享靚景及美食, 性價比高

近排余媽媽經常係尖沙咀區活動, 

呢間餐廳成了我地嘅飯堂, 

因為除左有靚景, 

食物質素也不錯, 價錢仲好親民, 

性價比甚高~

我講緊嘅就係位於

海運大廈嘅Pizza Express喇!

三五知己食串燒吹吹水@肚餓了串燒烤焗專門店

早排去完北海道, 好懷念當地的居酒屋, 

串燒非常美味, 番到嚟香港心癮起, 又想食串燒, 

於是今次同朋友到左位於尖沙咀肚餓了

串燒烤焗專門店 Hungry Bird 回味一番! 

邊食邊吹水!

呢間新派串燒店Hungry Bird提供各式各樣的串燒和菜式, 

啱晒放工後約埋三五知己嚟吹吓水同飲番兩杯~

CP值高♡佳節外出慶祝好選擇♡HONEYMOON DESSERT de avenue

早前相約朋友們到了位於銅鑼灣希慎廣場的滿記旗艦店

「HONEYMOON DESSERT de avenue」齊齊慶祝聖誕, 

吃一頓豐富的聖誕大餐^^

見到Menu提供【滋味共聚聖誕烤雞套餐】, 

有湯、沙律、主菜、飲品、甜品, 

6人份量只是$798, 非常吸引, 

就乾脆點這個6人餐吧！

♡CP值高的火鍋推介@稻香超級漁港♡

有時朋友聚會唔知食咩好, 

打邊爐都係個不錯的選擇! 

早前余媽媽就同朋友嚟到灣仔稻香食火鍋喇^^

呢度嘅招呼唔錯, 下單後等左一陣就有得食喇! 

呢度嘅椰椰芝麻雞鍋口碑唔錯, 

所以我地叫左1隻試試

(晚市時段$90/隻, $50/半隻)~

侍應先將已加入百分百天然椰肉的鮮椰子水煮滾, 

再加入自家農場放養的穗香芝麻雞, 

煮5分鐘左右就可以食喇!

 (想雞肉食起來嫩口啲, 就唔好煮太耐呀～)

呢隻穗香芝麻雞雞味濃郁, 而且皮脆肉嫩, 

唔會好肥膩, 啱晒愛健康的我! 

伴青桔仔或沙薑醬呢2款地道醬料進食, 

酸酸辣辣, 特別開胃~

♡韓燒新浦點@高麗軒韓國料理♡

最近跟余爸爸來到位於尖沙咀的高麗軒韓國料理撐枱腳, 

想不到我們平日放工後大約晚上7時到達, 

店內已經近乎滿座了！好彩訂左枱咋^^

店內環境舒適, 座位寬敞, 空氣流通, 

唔會有濃烈的燒烤味~

♡來一頓充滿仙氣的法式下午茶吧♡DK Cuppa Tea之「賽姬戀曲」

早前跟友人來個high tea小聚!

今次我地到了DK Cuppa Tea上環店

歎左個充滿仙氣嘅下午茶!

實在令余媽媽再三回味^^

店內環境舒適, 很適合三五知己或情侶相聚~ 

♡情迷有氣果酒@法國Louis Raison【產品發佈會】♡

節日喜慶, 想飲番兩杯, 唔一定要飲紅酒、白酒或香檳嘅！

有氣果酒亦是個不錯的選擇! 

尤其適合女士們和駕駛人士呢~

酒量普普通通的余媽媽最近就被呢款

剛登陸香港的Louis Raison 有氣果酒迷倒了！

話說早前余媽媽出席【Louis Raison french Cidre

產品發佈會】, 試飲左佢地於法國歷史悠久

又暢銷的一系列有氣果酒~ 自此便對佢地情有獨鍾了!

當天會場充滿了田園氣息,洋溢著濃厚的法式風情~

首先, 由擔任司儀的吳雲甫(Owen)為大家介紹

呢個新登場的有氣酒品牌之獨特之處~

於1923年成立的法國經典品牌Louis Raison

於法國深受歡迎, 今次為香港顧客帶來三種獨特口味的

有氣果酒, 分別有紅肉蘋果味、蘋果味和梨味~