最近跟余爸爸來到位於尖沙咀的高麗軒韓國料理撐枱腳,
想不到我們平日放工後大約晚上7時到達,
店內已經近乎滿座了！好彩訂左枱咋^^
店內環境舒適, 座位寬敞, 空氣流通,
唔會有濃烈的燒烤味~
用餐時間: 2~3位(約1.5小時任); 4人或以上(約2小時食),
加38蚊/位可以upgrade享用呢個menu,
入面全部都係高級食材和海產類,
啱晒我地心水, 即刻upgrade～
其實未upgrade嘅menu都有超多種選擇,
烤肉、海鮮、石鍋飯、湯類、一品料理等應有盡有,
真係好多都想試呀！罐裝飲品都係免費任飲的!
下單流程很簡單,
只需把想點的食物號碼寫係提供的紙上,
再交給店員就可以了！
話咁快就有得食喇!
先嚟韓式前菜五小碟,
余媽媽對酸酸辣辣又爽口的涼拌青瓜愛不釋手,
幾乎獨吞了一整碟~
海鮮拼盤非常有份量, 款式多而且用料也算新鮮,
撈了蒜蓉特別惹味~
尤其喜歡大蝦和帆立貝,
肉質彈牙, 很鮮甜!
因為余媽媽太鐘意食海鮮,
所以之後再encore了帆立貝和帶子各一碟~
牛是我和余爸爸大愛, 當然要多點幾款啦！
呢度嘅牛肉多是薄砌上枱的, 色澤紅潤,
新鮮嫩口, 而且牛味十足~
肉眼扒口感香滑, 牛味濃郁~
特級牛頸肉脂肪分佈平均, 近乎入口即溶, 必點~
咁好味嘅貴價食材, 出面一碟都成百多元,
所以余媽媽當然唔執輸, 前後點左2碟,
差不多回本了!
非常推介呢款皇者牛排骨,
本身睇個名以為無咩特別,
原來醃得十分入味, 嫩滑鬆化!
而且Juicy得嚟不油膩呢!
牛利爽口彈牙~
我們還點了豬肉和羊肉~
黑毛豬腩都很香滑鬆化~
蒙古羊肉經醃製過後,
一點膻味也沒有, 很易入口~
食左咁多肉, 來一碟什錦蔬菜和冬菇中和一下~
因為已經飽了八、九成,
肚子只裝得落呢個海鮮煎蔥餅,
石鍋飯等特色美食就要留待下次再試了!
海鮮煎蔥餅味道不錯, 皮厚薄適中, 而且香噴噴!
最後飲了人參雞湯和柚子茶, 便是圓滿的句了！
呢款人參雞湯雖然跟我在韓國飲過的味道不太相似,
但參味很濃郁, 很滋補，而且十分足料, 大家可以一試^^
食飽飽埋單2人都只是五百多完~
離開時, 衣服唔會一陣燒烤味,
證明呢度嘅抽風系統的確不錯! 下次要再來!
♡高麗軒韓國料理♡
地址: 尖沙咀 金巴利道46-48號地庫
多謝收看!
以下是余媽媽と余小bのFacebook~
沒有留言:
張貼留言