天寒地凍最啱食火鍋

天氣凍凍地，最啱就係食火鍋喇~ 最近lunch同余小b拍住拖到 牛知己 食90分鐘火鍋放題~

湯底我地揀左牛骨湯，好香濃，加$30可以升級鴛鴦湯底~

呢度嘅放題類型有多個選擇，最平百幾蚊(成人1位價錢)就有交易，都幾抵食~

而我地就揀左【美國極上牛肩+海鮮放題】，肉類包括:美國極上牛肩肉、美國特產牛肉、特選豚肉、嚴選豚五花、無激素雞翼、精選雞腿肉，海鮮類包括: 原隻白魷魚和紐西蘭半殼青口~ 

同時，可以到自助區自取各種蔬菜、菇類、丸類、炸物、前菜、汽水、果汁、甜品及乳酪雪糕等，好豐富呀！

牛上肩好滑，牛味香濃，豚五花油香四溢，白魷魚好彈牙，叫左幾轉，炸薯條好新鮮，每次見店員refill，我都會encore!

到飯後甜品時間，余小b見到有自助糖果和乳酪雪糕專區，超興奮呢！馬上勁食左兩大杯乳酪雪~

食飽飽成身暖笠笠，好滿足呢！